ପାଟନା,୧୮।୫: ବିହାର ଅରାରିଆରେ ଏକ ଅଭବାବନୀୟ ଘଟଣା ଘଟିଛି। ଜଣେ ୧୪ ବର୍ଷର ଝିଅ ତାଙ୍କ ଭିଣେଇ ମିଠୁ ସିଂଙ୍କ ସହିତ ମିଶି ତରବାରୀ ପୋଲିସ ଷ୍ଟେଶନରେ ଫାଶୀ ଲଗାଇ ଆତ୍ମହତ୍ୟା କରିଛନ୍ତି। ଦୁହିଁଙ୍କ ମଧ୍ୟରେ ଏକ ପ୍ରେମ ସମ୍ପର୍କ ଚାଲିଥିଲା। ଦୁହେଁ ମଧ୍ୟ ଦୁଇ ଦିନ ପୂର୍ବରୁ ବିବାହ କରିଥିଲେ। ପରିବାର ସଦସ୍ୟଙ୍କ ଅଭିଯୋଗ ଉପରେ ପୋଲିସ ଗୁରୁବାର ଉଭୟଙ୍କୁ ଗିରଫ କରିଥିଲା। ପୋଲିସ ଉଭୟଙ୍କୁ ପୋଲିସ ଷ୍ଟେଶନରେ ରଖିଥିଲା। କୁହାଯାଉଛି ଯେ, ମିଠୁ ୁ ସିଂ ତାଙ୍କ ଶାଳିଙ୍କୁ ଡାକିଥିଲେ। ଏହା ପରେ ଦୁହେଁ ଓଢଣୀ ଲଗାଇ ଥାନା ଫାଟକରେ ଝୁଲି ପଡିଥିଲେ। ଘଟଣା ପରେ ଅଞ୍ଚଳରେ ଆତଙ୍କ ଖେଳିଯାଇଛି। ପୋଲିସ ଘଟଣାର ତଦନ୍ତ କରୁଛି।
ଏଠାରେ ଦୁଇ ଜଣଙ୍କ ମୃତ୍ୟୁ ପରେ ଉତ୍ତ୍ୟକ୍ତ ଗ୍ରାମବାସୀ ତରବାରୀ ପୋଲିସ ଷ୍ଟେଶନକୁ ଘେରିଯାଇ ଭଙ୍ଗାରୁଜା କରିବା ସହ ପୋଲିସ ଷ୍ଟେଷନରେ ନିଆଁ ଲଗାଇ ଦେଇଥିଲେ। ସୂଚନା ପରେ ସଦର ଏସଡିପିଓ ରାମପୁକର ସିଂଙ୍କ ସମେତ ଅନେକ ପୋଲିସ ଘଟଣାସ୍ଥଳରେ ପହଞ୍ଚିଥିଲେ। କିନ୍ତୁ ଏଥିରେ କ୍ରୋଧିତ ଗ୍ରାମବାସୀ ବିରୋଧ ଜାରି ରଖି ପୋଲିସ ଉପରକୁ ପଥର ଫିଙ୍ଗିଥିଲେ। ଏଥିରେ ସଦର ଏସଡିପିଓ ଙ୍କ ସମେତ ୫ ଜଣ ପୋଲିସ ଆହତ ହୋଇଛନ୍ତି। ଲୋକଙ୍କ ହିଂସାତ୍ମକ ପ୍ରଦର୍ଶନକୁ ନିୟନ୍ତ୍ରଣ କରିବା ପାଇଁ ଏଠାରେ ପୋଲିସ ପ୍ରଥମେ ଲାଠି ଚାର୍ଜ କରିଥିଲା।
