ପାଟନା, ୨।୨: ବିହାରର ଔରଙ୍ଗାବାଦ ଜିଲାରୁ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଏଠାକାର ଏକ ଗାଁରେ ପାଞ୍ଚ ଜଣ ନାବାଳିକା ଏକାଠି ବିଷ ପିଇ ଦେଇଥିବା ଅଭିଯୋଗ ହୋଇଛି। ରିପୋର୍ଟ ଅନୁସାରେ, ଏହି ଝିଅମାନଙ୍କ ମଧ୍ୟରୁ ଚାରି ଜଣଙ୍କର ମୃତ୍ୟୁ ହୋଇଛି । ଘଟଣାର ତଦନ୍ତ ପାଇଁ ବରିଷ୍ଠ ପୋଲିସ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି ।
ଏହି ସମ୍ପୂର୍ଣ୍ଣ ଘଟଣା ହସପୁରା ଥାନା ଅଞ୍ଚଳ ଅନ୍ତର୍ଗତ ଆମଝର ସରିଫ ପଞ୍ଚାୟତର ସୈଦପୁର ଗାଁରେ ଘଟିଛି। ପାଞ୍ଚ ଜଣ ନାବାଳିକା ଝିଅ ଏକକାଳୀନ ବିଷ ପିଇ ଦେଇଥିବା ଏକ ମାମଲା ସାମ୍ନାକୁ ଆସିଛି। ଚାରି ଜଣ ଝିଅଙ୍କର ମୃତ୍ୟୁ ହୋଇଛି। ସେମାନଙ୍କ ମୃତ୍ୟୁ ପରେ ପରିବାର ଲୋକେ ଏକାଠି ସେମାନଙ୍କର ଶେଷକୃତ୍ୟ କରିଥିଲେ । ତେବେ ଆତ୍ମହତ୍ୟାର କାରଣ କଣ ସେନେଇ ଗ୍ରାମବାସୀ ମୁହଁ ଖୋଲି ନାହାନ୍ତି ।
ପାଞ୍ଚ ଜଣ ନାବାଳିକା ଝିଅ ବିଷ ପିଇ ଦେବାର ସମ୍ପୂର୍ଣ୍ଣ ଘଟଣା ଗୁରୁବାର ଘଟିଥିବା କୁହାଯାଉଛି । ଖବର ପ୍ରକାଶିତ ହେବା ପରେ, ପୋଲିସ ପ୍ରଶାସନ ତତ୍ପର ହୋଇ ଗାଁରେ ପହଞ୍ଚି ତଦନ୍ତ ଆରମ୍ଭ କରିଥିଲା। ରବିବାର ଅପରାହ୍ନ ୨ଟାରେ ଦାଉଦନଗର ଏସଡିପିଓ ଅଶୋକ କୁମାର ଦାସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ କରିଥିଲେ ।
