ଇସଲାମାବାଦ୍,୧୦।୫: ଭାରତ ସହିତ ଉତ୍ତେଜନା ମଧ୍ୟରେ ପାକିସ୍ତାଦ ସେନା ମୁଖ୍ୟ ଅସୀମ ମୁନିରଙ୍କୁ ଏକ ବଡ଼ ଝଟକା ଲାଗିଛି। ଏହି ଝଟ୍କା ବେଲୁଚିସ୍ତାନର ଯୋଦ୍ଧାମାନେ ଦେଇଛନ୍ତି। ବେଲୁଚିସ୍ତାନର ଯୋଦ୍ଧାମାନେ ପାକିସ୍ତାନ ସେନାକୁ ପରାସ୍ତ କରି ଏହାର ଦୁଇଟି ଅଞ୍ଚଳକୁ ଛଡ଼ାଇ ନେଇଛନ୍ତି। ଉଭୟ ଅଞ୍ଚଳ ପାକିସ୍ତାନର ବେଲୁଚିସ୍ତାନ ପ୍ରଦେଶର।
ଦି ବେଲୁଚିସ୍ତାନ ପୋଷ୍ଟ ଅନୁଯାୟୀ, ବେଲୁଚିସ୍ତାନ ପ୍ରଦେଶରେ ଯୋଦ୍ଧାମାନେ ସେମାନଙ୍କର ଆକ୍ରମଣକୁ ତୀବ୍ର କରିଛନ୍ତି। ବେଲୁଚ ବିଦ୍ରୋହୀମାନେ କେଚ, ପଞ୍ଜଗୁର ଏବଂ ଲାସବେଲା ଜିଲାରେ ବିସ୍ଫୋରଣ ଘଟାଇଥିଲେ। କେଚ ଏବଂ ପଞ୍ଜଗୁରରେ ଉପସ୍ଥିତ ସେନା କର୍ମଚାରୀମାନଙ୍କୁ ଗୁଳି କରାଯାଇ ଘଉଡ଼ାଇ ଦିଆଯାଇଥିଲା। ଉଭୟ ଅଞ୍ଚଳ ବେଲୁଚ ଯୋଦ୍ଧାମାନଙ୍କ ଦ୍ୱାରା କବଜା କରାଯାଇଥିଲା।
ରିପୋର୍ଟରେ କୁହାଯାଇଛି ଯେ, ବେଲୁଚ ଯୋଦ୍ଧାମାନେ ପ୍ରଥମେ କେଚ ଅଞ୍ଚଳରେ ଅବରୋଧ କରିଥିଲେ। ଅବରୋଧ ପରେ, ପୋଲିସ ଷ୍ଟେଶନ ଏବଂ ସରକାରୀ କାର୍ଯ୍ୟାଳୟ ଉପରେ ଆକ୍ରମଣ କରାଯାଇଥିଲା। ଏଠାରେ ଉପସ୍ଥିତ ପାକିସ୍ତାନ ସରକାରୀ ଅଧିକାରୀ ଏବଂ ସେନା କର୍ମଚାରୀଙ୍କୁ ମାଡ଼ ମରାଯାଇଥିଲା।
ଏହା ପରେ ବେଲୁଚ୍ ଯୋଦ୍ଧାମାନେ କେଚ ଅଞ୍ଚଳରେ ଅବସ୍ଥିତ କାର୍ଯ୍ୟାଳୟଗୁଡ଼ିକରେ ନିଆଁ ଲଗାଇ ଦେଇଥିଲେ। ନିଆଁ ଲାଗିବା ମାତ୍ରେ ସୈନିକ ଏବଂ ସରକାରୀ କର୍ମଚାରୀମାନେ ଅଞ୍ଚଳରୁ ପଳାଇ ଯାଇଥିଲେ। ଏହା ପରେ ବେଲୁଚ ଯୋଦ୍ଧାମାନେ ଏହାକୁ ସେମାନଙ୍କର ଅଞ୍ଚଳ ଘୋଷଣା କରିଥିଲେ।
ଭାରତ ସହିତ ଉତ୍ତେଜନା ମଧ୍ୟରେ ବେଲୁଚିସ୍ତାନରେ ସଂଘର୍ଷ ତୀବ୍ର ହୋଇଛି। ଗତ ଗୋଟିଏ ସପ୍ତାହ ମଧ୍ୟରେ, ବେଲୁଚ ଯୋଦ୍ଧାମାନେ ୫ରୁ ଅଧିକ ସ୍ଥାନରେ ଆକ୍ରମଣ କରିଛନ୍ତି। ବେଲୁଚିସ୍ତାନ ପ୍ରସଙ୍ଗକୁ ଶାନ୍ତ କରିବା ପାଇଁ, ପାକିସ୍ତାନ ସରକାର ୧୫୦ ଜଣ ବେଲୁଚ ଆନ୍ଦୋଳନକାରୀଙ୍କୁ ମୁକ୍ତ କରିବାକୁ ନିଷ୍ପତ୍ତି ନେଇଛନ୍ତି।
