ଗାନ୍ଧୀନଗର,୧୭।୧୦: ଗୁଜରାଟରେ ନୂତନ କ୍ୟାବିନେଟର ଶପଥ ଗ୍ରହଣ ଉତ୍ସବ ଶୁକ୍ରବାର ଆରମ୍ଭ ହୋଇଛି। ଶପଥ ତାଲିକାରେ ୨୬ଜଣ ମନ୍ତ୍ରୀଙ୍କ ନାଁ ପ୍ରକାଶ ପାଇଛି। ତାଲିକାରେ ସ୍ବରୂପଜୀ ଠାକୋର, ପ୍ରବିଣକୁମାର ମାଲି, ଋଷୀକେଶ ପଟେଲ, ଦର୍ଶନା ବାଘେଲା, କୁନୱାରଜୀ ବାଭାଲିଆ,ରିଭାବା ଜାଡେଜା, ଅର୍ଜୁନ ମୋଧୱାଡିଆ, ପୁରୁଷୋତ୍ତମ ସୋଲଙ୍କି, ଜିତେନ୍ଦ୍ର ଭାଗାନୀ, ପ୍ରଫୁଲ୍ଲ ପାନଶେରିଆ, ହର୍ଷ ସାଙ୍ଘଭି ଏବଂ କାନୁଭାଇ ଦେଶାଇଙ୍କ ନାମ ରହିଛି।
ହର୍ଷ ସାଙ୍ଘଭି ରାଜ୍ୟର ନୂତନ ଉପମୁଖ୍ୟମନ୍ତ୍ରୀ ଭାବେ ଶପଥ ନେଇଥିବା ବେଳେ ଜିତୁ ଭାଗାନୀ ମନ୍ତ୍ରୀ ଭାବେ ଶପଥ ନେଇଛନ୍ତି। ଗୁରୁବାର ଗୁଜରାଟ ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲଙ୍କୁ ଛାଡି ସମସ୍ତ ମନ୍ତ୍ରୀ ଇସ୍ତଫା ଦେଇଥିଲେ।
୨୦୨୭ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଗୁଜରାଟ ସରକାରଙ୍କ ମନ୍ତ୍ରୀମଣ୍ଡଳ ପୂନର୍ଗଠନକୁ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି। ଆଗାମୀ ନିର୍ବାଚନରେ ଦଳ ନୂତନ ସାମାଜିକ ସମୀକରଣ କରିବାକୁ ପ୍ରସ୍ତୁତି କରୁଛି।
ଦଳ ବିଶ୍ୱାସ କରେ ଯେ, ମନ୍ତ୍ରୀମଣ୍ଡଳରେ ଯୁବ ବିଧାୟକମାନଙ୍କୁ ସାମିଲ କରିବା ଦ୍ୱାରା ଯୁବ ନେତା ଉତ୍ସାହିତ ହେବେ। ଏହା ଆଗାମୀ ନିର୍ବାଚନରେ ଭାଜପାକୁ ଲାଭ ଦେଇପାରେ ବୋଲି ରାଜନୈତିକ ବିଶେଷଜ୍ଞମାନେ ଏଭଳି ମତ ପ୍ରକାଶ କରିଛନ୍ତି।
Dharitri – Odisha’s No.1 Odia Daily
