ଅହମ୍ମଦାବାଦ୍,୧୨।୧୨:ଗୁଜରାଟର ମୁଖ୍ୟମନ୍ତ୍ରୀ ଭାବରେ ସୋମବାର ଶପଥ ନେଇଛନ୍ତି ଭୂପେନ୍ଦ୍ର ଭାଇ ପଟେଲ। ସେ ଗାନ୍ଧିନଗରର ହେଲିପ୍ୟାଡ ଗ୍ରାଉଣ୍ଡରେ ରାଜ୍ୟର ୧୮ତମ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ତାଙ୍କ ସହ ତାଙ୍କ ସରକାରର ଅନେକ ମନ୍ତ୍ରୀ ମଧ୍ୟ ଶପଥ ଗ୍ରହଣ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଅମିତ ଶାହା ଏବଂ ଭାଜପା ଶାସିତ ରାଜ୍ୟର ମୁଖ୍ୟମନ୍ତ୍ରୀମାନେ ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ।
ଭୁପେନ୍ଦ୍ର ଅହମ୍ମଦାବାଦ ଜିଲାର ଘାଟଲୋଡିଆ ଆସନରୁ ବିଧାୟକ ଅଛନ୍ତି। ତାଙ୍କ ନେତୃତ୍ୱରେ ୧୫୬ଟି ଆସନ ସହିତ ଏହି ନିର୍ବାଚନରେ ଭାଜପା ଏକ ରେକର୍ଡ ଭାଙ୍ଗିଛି। ଭୂପେନ୍ଦ୍ର ପ୍ରଥମ ଥର ପାଇଁ ୨୦୧୭ରେ ବିଧାୟକ ହୋଇଥିଲେ। ତାଙ୍କର ସ୍ବଚ୍ଛ ଭାବମୂର୍ତ୍ତି ଅଛି ଏବଂ ସେ ଜନସାଧାରଣଙ୍କ ନିକଟରେ ବେଶ୍ ଲୋକପ୍ରିୟ।
