ନୂଆଦିଲ୍ଲୀ,୧୦।୨: ବଡ ଖବର । ପୁଣି ଭାରତ ବନ୍ଦ ଡାକରା । ପୁଣି ଅଖ ଚକ ହେବ ଜାମ୍ । ଏ ନେଇ ବଡ ଖବର ସାମ୍ନାକୁ ଆସିଛି । ଭାରତ ବନ୍ଦକୁ ନେଇ ଏବେ ଦେଶରେ ଜୋର ଧରିଛି ଚର୍ଚ୍ଚା । ଯାହାକୁ ନେଇ ସାଧାରଣ ଜନତା ଦ୍ବନ୍ଦ୍ବରେ ରହିଛନ୍ତି । ଆସନ୍ତା ଫେବୃଆରୀ ୧୨ ତାରିଖରେ ଭାରତ ବନ୍ଦ ଡାକରା ଦିଆଯାଇଛି । ଏହା ପଛରେ ବଡ କାରଣ ମଧ୍ୟ ରହିଛି । ଭାରତ ବନ୍ଦର ପ୍ରଭାବ କେତେ ରହିବ ତାହା ଦେଖିବାର ଅଛି ।
ଫେବୃଆରୀ ୧୨ରେ କ’ଣ ବନ୍ଦ ରହିବ? ଭାରତ ବନ୍ଦ ଡାକରା ଦିଆଯାଇଥିବାରୁ ବ୍ୟାଙ୍କ ସେବା ବନ୍ଦ ରହିବାର ଯଥେଷ୍ଟ ସମ୍ଭାବନା ରହିଛି । ସେହିଭଳି ବିଭିନ୍ନ ରାଜ୍ୟରେ ସରକାରୀ କାର୍ଯ୍ୟାଳୟ ବନ୍ଦ ରହିପାରେ । କିଛି ଅଞ୍ଚଳରେ ସାର୍ବଜନୀନ ପରିବହନ ସେବା ବ୍ୟାଘାତ ହୋଇପାରେ । କିଛି ଅଞ୍ଚଳରେ ଶିକ୍ଷାନୁଷ୍ଠାନ ବନ୍ଦ ରହିପାରେ । ବିରୋଧ ପ୍ରଦର୍ଶନ ହେଉଥିବା ଅଞ୍ଚଳରେ ବଜାର ଏବଂ ଦୋକାନଗୁଡ଼ିକ ମଧ୍ୟ ବନ୍ଦ ରହିପାରେ । ସେହିଭଳି କିଛି ସ୍ଥାନରେ ସମ୍ଭାବ୍ୟ “ଚକ୍କା ଜାମ୍” ( ଭଳି ସ୍ଥିତି ଦେଖିବାକୁ ମିଳିବ । ଓଡ଼ିଶାରେ ମଧ୍ୟ ଭାରତ ବନ୍ଦର ପ୍ରଭାବ ଦେଖିବାକୁ ମିଳିପାରେ ।
ଘରୋଇ କାର୍ଯ୍ୟାଳୟ ଖୋଲା ରହିପାରେ । ହସ୍ପିଟାଲ ଏବଂ ଆମ୍ବୁଲାନ୍ସ ଭଳି ଜରୁରୀକାଳୀନ ସେବା ବନ୍ଦରୁ ବାଦ୍ ପଡିବେ । ବିମାନବନ୍ଦର ଏବଂ ଅତ୍ୟାବଶ୍ୟକୀୟ ସାମଗ୍ରୀ ପରିବହନ ହୋଇପାରିବ । ଅନଲାଇନ୍ ବ୍ୟାଙ୍କିଂ ଏବଂ ATM ସେବା ଜାରି ରହିବ ।
