ଭୁବନେଶ୍ୱର, ୯।୭: କେନ୍ଦ୍ରୀୟ ଟ୍ରେଡ ୟୁନିୟନ ଓ କୃଷକ ସଂଗଠନମାନଙ୍କ ଦ୍ୱାରା ଡକାଯାଇଥିବା ଭାରତ ବନ୍ଦ ଯୋଗୁଁ ଆଜି ଓ ରାଜଧାନୀ ଭୁବନେଶ୍ୱରରେ ବିଭିନ୍ନ ସେବା ପ୍ରଭାବିତ ହୋଇଛି। ଏହି ବନ୍ଦ କେନ୍ଦ୍ର ସରକାରଙ୍କ ଶ୍ରମିକ ବିରୋଧୀ, କୃଷକ ବିରୋଧୀ ଓ କର୍ପୋରେଟ ଅନୁକୂଳ ନୀତି ବିରୁଦ୍ଧରେ ପ୍ରତିବାଦ ସୱରୂପ ଆହୱାନ ଦିଆଯାଇଛି। ୧୦ଟି କେନ୍ଦ୍ରୀୟ ଟ୍ରେଡ ୟୁନିୟନ ସମେତ ଅନ୍ୟାନ୍ୟ ସଂଗଠନ ଏହି ବନ୍ଦରେ ସାମିଲ ହୋଇଛନ୍ତି, ଯେଉଁଥିରେ ୨୫ କୋଟିରୁ ଅଧିକ ଶ୍ରମିକ ଅଂଶଗ୍ରହଣ କରୁଥିବା ଅନୁମାନ କରାଯାଉଛି।
ଏହି ବନ୍ଦ ଯୋଗୁଁ ଭୁବନେଶ୍ୱରରେ ଅନେକ ସେବା ପ୍ରଭାବିତ ହୋଇଛି:
ବସ ସେବା: ଓଡ଼ିଶା ରାଜ୍ୟ ପରିବହନ ନିଗମ (OSRTC) ଓ ଘରୋଇ ବସ ଅପରେଟରମାନେ ବନ୍ଦକୁ ସମର୍ଥନ କରିଥିବାରୁ ସରକାରୀ ଓ ଘରୋଇ ବସ ସେବା ସମ୍ପୂର୍ଣ୍ଣ ଠପ ହୋଇଛି। ବରମୁଣ୍ଡା ବସ ଷ୍ଟାଣ୍ଡ ଓ ଅନ୍ୟାନ୍ୟ ପ୍ରମୁଖ ବସ ଷ୍ଟାଣ୍ଡରେ ଯାତ୍ରୀମାନେ ଅପେକ୍ଷା କରୁଥିବା ଦେଖାଯାଇଛି, କିନ୍ତୁ ବସ ଚଳାଚଳ ନ ହେବାରୁ ଅସୁବିଧାର ସମ୍ମୁଖୀନ ହେଉଛନ୍ତି। ସେହିପରି କଟକରେ ମଧ୍ୟ ସମାନ ପରିସ୍ଥିତି ଦେଖିବାକୁ ମିଳିଛି। ଏପରିକି ଆନ୍ଦୋଳନକାରୀମାନେ ଭୁବନେଶ୍ୱରରେ ଆମ ବସ୍ ସେବାକୁ ମଧ୍ୟ ବନ୍ଦ କରିଦେଇଛନ୍ତି।
ରେଳ ସେବା: ଭୁବନେଶ୍ୱର ରେଳ ଷ୍ଟେସନ ସମେତ ରାଜ୍ୟର ବିଭିନ୍ନ ଷ୍ଟେସନରେ ଶ୍ରମିକ ସଂଗଠନମାନଙ୍କ ପିକେଟିଂ ଯୋଗୁଁ ଟ୍ରେନ ଚଳାଚଳ ପ୍ରଭାବିତ ହୋଇଛି। ଜୟଦେବ ବିହାର ଓଭରବ୍ରିଜ ଓ ଜାତୀୟ ରାଜପଥରେ ମଧ୍ୟ ଅବରୋଧ ଦେଖାଦେଇଛି।
ବ୍ୟାଙ୍କ ଓ ଡାକ ସେବା: ବ୍ୟାଙ୍କ, ବୀମା ଓ ଡାକ ସେବା ମଧ୍ୟ ଆଂଶିକ ଭାବେ ପ୍ରଭାବିତ ହୋଇଛି। ବ୍ୟାଙ୍କ କାର୍ଯ୍ୟ ଯଥା ଚେକ କ୍ଲିୟରାନ୍ସ, ଲୋନ ପ୍ରୋସେସିଂ ଓ ଗ୍ରାହକ ସେବାରେ ବିଳମ୍ବ ହେବାର ସମ୍ଭାବନା ରହିଛି।
ଅନ୍ୟାନ୍ୟ ସେବା: ଖଣି, ର୍ନିମାଣ ଓ ରାଜ୍ୟ ପରିଚାଳିତ କାରଖାନା ସେବା ମଧ୍ୟ ବନ୍ଦ ଯୋଗୁଁ ଆଂଶିକ ପ୍ରଭାବିତ ହୋଇଛି। ଜୟଦେବ ବିହାର, ମାଷ୍ଟର କ୍ୟାଣ୍ଟିନ ଛକ, ବାଣୀ ବିହାର ଓ ରାଜପଥରେ ଶ୍ରମିକ ସଂଗଠନମାନଙ୍କ ବିକ୍ଷୋଭ ଓ ରାସ୍ତାରୋକ ଦେଖାଦେଇଛି।
କେଉଁଟା ଖୋଲା ରହିବ?
ବନ୍ଦ ସତ୍ତ୍ୱେ କିଛି ସେବା ଖୋଲା ରହିବ: ଉତ୍କଳ ପେଟ୍ରୋଲିୟମ ଡିଲର୍ସ ଆସୋସିଏସନ ଅନୁଯାୟୀ, ରାଜ୍ୟର ସମସ୍ତ ପେଟ୍ରୋଲ ପମ୍ପ ଖୋଲା ରହିବ ଏବଂ ଗ୍ରାହକମାନେ ସୁରୁଖୁରୁରେ ଇନ୍ଧନ ଭର୍ତ୍ତି କରିପାରିବେ। ସକାଳୁ କିଛି ପମ୍ପରେ ଅସ୍ଥାୟୀ ଅସୁବିଧା ଦେଖାଦେଇଥିଲେ ମଧ୍ୟ, ଦିନର ଦ୍ୱିତୀୟାର୍ଦ୍ଧରେ ସେବା ସୱାଭାବିକ ହେବ ବୋଲି ଆସୋସିଏସନର ସମ୍ପାଦକ ସଞ୍ଜୟ ଲାଠ କହିଛନ୍ତି।
ରାଜ୍ୟ କିମ୍ବା କେନ୍ଦ୍ରୀୟ ଶିକ୍ଷା ବିଭାଗ ପକ୍ଷରୁ ବିଦ୍ୟାଳୟ ଓ କଲେଜ ବନ୍ଦ ପାଇଁ କୌଣସି ଘୋଷଣା କରାଯାଇ ନାହିଁ। ତେଣୁ ଶିକ୍ଷାନୁଷ୍ଠାନଗୁଡିକ ଖୋଲା ରହିବ, ଯଦିଓ ପରିବହନ ଅସୁବିଧା ଯୋଗୁଁ କିଛି ସ୍ଥାନରେ ଅନଲାଇନ ମୋଡ ବାଛିପାରନ୍ତି।
ଜରୁରୀ ସେବା: ରେଳ, ବଜାର, ଦୋକାନ ଓ ସୱାସ୍ଥ୍ୟ ସେବା ଭଳି ଜରୁରୀ ସେବାଗୁ ଡିକ ବନ୍ଦରୁ ମୁକ୍ତ ରହିବ। ସୱାସ୍ଥ୍ୟ ସେବା ସଂସ୍ଥାଗୁ ଖୋଲା ରହି ନିୟମିତ ସେବା ଯୋଗାଇବ।
ଘରୋଇ କାର୍ଯ୍ୟାଳୟ: ଘରୋଇ କାର୍ଯ୍ୟାଳୟଗୁ ସାଧାରଣତଃ ଖୋଲା ରହିବ, କିନ୍ତୁ କର୍ମଚାରୀଙ୍କ ଅନୁପସ୍ଥିତି କିମ୍ବା ପରିବହନ ଅସୁବିଧା ଯୋଗୁଁ କିଛି ବାଧା ଦେଖାଦେଇପାରେ।
୧୦ଟି କେନ୍ଦ୍ରୀୟ ଟ୍ରେଡ ୟୁନିୟନ (CITU, AITUC, INTUC, HMS, SEWA ଆଦି) ଏବଂ କୃଷକ ସଂଗଠନମାନେ ଏହି ବନ୍ଦ ମାଧ୍ୟମରେ ୧୭ ଦଫା ଦାବି ଉପସ୍ଥାପନ କରିଛନ୍ତି। ମୁଖ୍ୟ ଦାବିଗୁଡିକ ମଧ୍ୟରେ ରହିଛି:
– ଚାରୋଟି ଶ୍ରମ କୋଡ ରଦ୍ଦ କରିବା।
– ସରକାରୀ ଉଦ୍ୟୋଗର ଘରୋଇକରଣ ବନ୍ଦ କରିବା।
– ସର୍ବନିମ୍ନ ମାସିକ ମଜୁରୀ ୨୬,୦୦୦ ଟଙ୍କା ର୍ନିଦ୍ଧାରଣ କରିବା।
– ପୁରାତନ ପେନ୍ସନ ଯୋଜନା ପୁନଃସ୍ଥାପନ ଓ ଚୁକ୍ତିଭିତ୍ତିକ ଶ୍ରମିକଙ୍କୁ ନିୟମିତ କରିବା।
– କୃଷକମାନଙ୍କ ପାଇଁ ସ୍ବାମୀନାଥନ କମିସନର ସୂଚନା ଅନୁଯାୟୀ ନ୍ୟୂନତମ ସମର୍ଥନ ମୂଲ୍ୟ (MSP) ଓ ଋଣ ମାଫ ଆଇନଗତ ଭାବେ ନିଶ୍ଚିତ କରିବା।
ଭୁବନେଶ୍ୱରରେ ଶ୍ରମିକ ସଂଗଠନମାନେ ଜୟଦେବ ବିହାର ଓଭରବ୍ରିଜ, ମାଷ୍ଟର କ୍ୟାଣ୍ଟିନ ଛକ, ବାଣୀ ବିହାର ଓ ରାଜପଥରେ ବିକ୍ଷୋଭ ଓ ରାସ୍ତାରୋକ କରିଛନ୍ତି। ଖୋର୍ଦ୍ଧା ଜିଲ୍ଲାର CITU ସଦସ୍ୟମାନେ ଜାତୀୟ ରାଜପଥ ଅବରୋଧ କରି ପ୍ରତିବାଦ ଜଣାଇଛନ୍ତି। ଏହା ସହିତ ରେଳ ଷ୍ଟେସନରେ ପିକେଟିଂ ଯୋଗୁଁ ଟ୍ରେନ ଚଳାଚଳରେ ବାଧା ସୃଷ୍ଟି ହୋଇଛି।
ଓଡ଼ିଶା ସରକାର ବନ୍ଦକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥାକୁ କ କରିଛନ୍ତି। ଲୋକସେବା ଭବନ, ଖାରବେଳ ଭବନ ଓ ଅନ୍ୟାନ୍ୟ ପ୍ରମୁଖ ସରକାରୀ କାର୍ଯ୍ୟାଳୟରେ ଅତିରିକ୍ତ ପୋଲିସ ମୁତୟନ କରାଯାଇଛି। ସରକାରୀ କର୍ମଚାରୀମାନଙ୍କୁ ସକାଳ ୯:୩୦ ସୁଦ୍ଧା ଅଫିସ ପହଞ୍ଚିବାକୁ ନିର୍ଦ୍ଦେଶ ଦିଆଯାଇଛି।
