୨୯ରେ ବିଜିୟୁର ୫ମ ସମାବର୍ତ୍ତନ ଉତ୍ସବ
8:07 amNovember 27, 2022November 27, 2022 / 41

ଭୁବନେଶ୍ୱର,୨୭।୧୧: ରାଜ୍ୟର ପ୍ରମୁଖ ଘରୋଇ ଶିକ୍ଷାନୁଷ୍ଠାନ ବିର୍ଲା ଗ୍ଲୋବାଲ ୟୁନିଭର୍ସିଟି (ବିଜିୟୁ)ର ୫ମ ବାର୍ଷିକ ଉତ୍ସବ ପାଳନ ହେବାକୁ ଯାଉଛି। ଏପରିକି ନଭେମ୍ବର ୨୯ରେ ବିଜିୟୁର ୫ମ ସମାବର୍ତ୍ତନ ଉତ୍ସବର ମଧ୍ୟ ଆୟୋଜନ କରାଯାଉଛି। ଏହି ପରିପ୍ରେକ୍ଷୀରେ ବିଜିୟୁର ବିଭିନ୍ନ ବିଭାଗର ୩୧୦ଜଣ ଛାତ୍ରୀଛାତ୍ରଙ୍କୁ ଡିଗ୍ରୀ ପ୍ରଦାନ କରାଯିବ। ବିଶେଷକରି ୨୦୩ ଜଣ ଅଣସ୍ନାତକ ଓ ୧୦୭ ଜଣ ସ୍ନାତକୋତ୍ତର ଛାତ୍ରୀଛାତ୍ର ଅଟନ୍ତି।
ଏହି ଅବସରରେ କିଟ୍‌ ଓ କିସ୍‌ର ପ୍ରତିଷ୍ଠାତା ତଥା ଲୋକ ସଭା ସଦସ୍ୟ ଅଚ୍ୟୁତ ସାମନ୍ତ ମୁଖ୍ୟ ଅତିଥି ରୂପେ ଯୋଗଦେଇ ସମସ୍ତଙ୍କୁ ଦୀକ୍ଷାନ୍ତ ଭାଷଣ ପ୍ରଦାନ କରିବେ ା ସେହିଭଳି ୟୁନିଭର୍ସିଟି ଦ୍ୱାରା ପ୍ରଫେସର ସାମନ୍ତଙ୍କୁ ପ୍ରଥମ ଡକ୍ଟର ଅଫ୍‌ ଲେଟର (ହୋନରିସ୍‌ କୋଜା) ରେ ମଧ୍ୟ ସମ୍ବର୍ଦ୍ଧିତ କରାଯିବ।
ଗତ ୬ ବର୍ଷର ସ୍ବଳ୍ପ ଅବଧି ମଧ୍ୟରେ ବିଜିୟୁ ପୂର୍ବ ଭାରତର ଶିକ୍ଷା ଏବଂ ଗବେଷଣା କ୍ଷେତ୍ରରେ ଉତ୍କର୍ଷର ଏକ ପ୍ରମୁଖ କେନ୍ଦ୍ର ଭାବେ ଉଭା ହୋଇଛି। ବିଜିୟୁ ପାଇଁ ୨୦୨୨ ବର୍ଷ ସମସ୍ତ ଦୃଷ୍ଟିକୋଣରୁ ଗୁଣାତ୍ମକ ଓ ପ୍ରଭାବଶାଳୀ ସାବ୍ୟସ୍ତ ହୋଇଛି। କୋଭିଡ୍‌ ମହାମାରୀର ପ୍ରକୋପ ମଧ୍ୟରେ ମଧ୍ୟ ୟୁନିଭର୍ସିଟି ପକ୍ଷରୁ ଠିକ୍‌ ସମୟରେ ପାଠ୍ୟକ୍ରମ ସମାପ୍ତ କରାଯାଇଥିଲା ଏବଂ ପରୀକ୍ଷା ସମ୍ପନ୍ନ କରାଯାଇଥିଲା। ବିଜିୟୁର ଉଚିତ ଚୟନ ପ୍ରକ୍ରିୟା ଦ୍ୱାରା ଦେଶର ବିଭିନ୍ନ ପ୍ରାନ୍ତରୁ ବହୁ ସଂଖ୍ୟକ ମେଧାବୀ ଛାତ୍ରୀଛାତ୍ରଙ୍କୁ ଚୟନ କରିବା ସହ ଅଭାବୀ ଛାତ୍ରୀଛାତ୍ରମାନଙ୍କୁ ବୃତ୍ତି ପ୍ରଦାନ କରି ପଢ଼ିବାର ସୁଯୋଗ ମଧ୍ୟ ପ୍ରଦାନ କରିଛି।
ସେହିପରି ଚଳିତ ଶିକ୍ଷାବର୍ଷରେ ବିଜିୟୁ ବ୍ୟାଚେଲର ଇନ୍‌ କମ୍ପ୍ୟୁଟର ଆପ୍ଲିକେଶନ, ମାଷ୍ଟର ଇନ୍‌ କମ୍ପ୍ୟୁଟର ଆପ୍ଲିକେଶନ, ମାଷ୍ଟର ଇନ୍‌ ଫାଇନାନ୍ସିଆଲ୍‌ ଇକୋନୋମିକ୍ସ୍‌, ପିଏଚ୍‌ଡି ଇନ୍‌ ମାସ୍‌କମ୍ୟୁନିକେଶନ୍‌, ଲ ଏବଂ ଇଂଲିଶ୍‌ ଆଦି ପାଠ୍ୟକ୍ରମର ଆରମ୍ଭ ସହ ୟୁନିଭର୍ସିଟିର ଫାକଲ୍ଟି ସଦସ୍ୟମାନଙ୍କର ନିଯୁ୍‌କ୍ତି ମଧ୍ୟ ବୃଦ୍ଧି ପାଇଛି। ଏପରିକି ନୂତନ ହଲ୍‌, ଲାବରେଟୋରି ଓ ଅନ୍ୟାନ୍ୟ ସୁବିଧା ସହ ବିଜିୟୁ ତା’ର ଭିତ୍ତିଭୂମିକୁ ମଧ୍ୟ ବିସ୍ତାର କରିପାରିଛି। ୨୦୨୩ ଶିକ୍ଷାବର୍ଷ ନିମନ୍ତେ ମଧ୍ୟ ବିଭିନ୍ନ ପାଠ୍ୟକ୍ରମ ପାଇଁ ଆଡମିଶନ ପ୍ରକ୍ରିୟା ଆରମ୍ଭ ହୋଇଯାଇଛି।