ଗଞ୍ଜାମ,୧୬ା୨(ବିଦ୍ୟାଧର ସାହୁ): ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତର ପ୍ରସିଦ୍ଧ ବଟେଶ୍ୱର ମନ୍ଦିର ବାଲିଯାତ୍ରା ପଡିଆରେ ମହାଶିବରାତ୍ରି ଉପଲକ୍ଷେ ପ୍ରଥମଥର ପାଇଁ ଜାଗର ମହୋତ୍ସବ ଅନୁଷ୍ଠିତ ହୋଇଯାଇଛି।
ବଟେଶ୍ୱର ବାଲିଯାତ୍ରା ପରିଚାଳନା କମିଟି ସଭାପତି ରଙ୍କନିଧି ସ୍ୱାଇଁ ଏହାର ଶୁଭାରମ୍ଭ କରିଥିଲେ। ମନ୍ଦିର ପରିଚାଳନା କମିଟି ଉପସଭାପତି ଶବର ତରାଇଙ୍କ ସଭାପତିତ୍ୱରେ ଅନୁଷ୍ଠିତ ମହୋତ୍ସବରେ ସାଂସ୍କୃତିକ କାର୍ଯ୍ୟକ୍ରମରେ ଅନୁଷ୍ଠାନର ଉପଦେଷ୍ଟା ଦିଲ୍ଲୀପ ଛୋଟରାୟ, ସମ୍ପାଦକ ରଞ୍ଜିତ ପଲାଇ, ବରିଷ୍ଟ ସଦସ୍ୟ ଶିବାରାମ ସ୍ୱାଇଁ, କୋଷାଧ୍ୟକ୍ଷ ନିରାକାର ଜେନା, ପବିତ୍ର ସ୍ୱାଇଁ, ସଞ୍ଜୟ ତରାଇ, ରବିନ୍ଦ୍ର ଆଚାରୀ, ଏ. ତ୍ରିନାଥ, ଧର୍ମରାଜ ସ୍ୱାଇଁ, ଶେଷଦେବ ଛାଟୋଇ, ବିରେନ ପ୍ରଧାନ, କୃଷ୍ଣ ଚନ୍ଦ୍ର ରେଡି, ବୃନ୍ଦାବନ ପ୍ରଧାନ, ଶିବରାମ ରେଡି, ଏସ. ମୁସ୍ଲେୟା, ସାଇରାମ ପ୍ରମୁଖ ବାଲିଯାତ୍ରା କମିଟି କର୍ମକର୍ତ୍ତା ଉପସ୍ଥିତ ଥିଲେ। ମହୋତ୍ସବରେ କଣ୍ଟିଆଗଡ଼, ନୀଳାଦ୍ରିପୁର, ଖଟୁଆକୁଦା, ଗୋଖରକୁଦା, ମୟୁରପଦା, ପୋଡ଼ାମପେଟା ଆଦି ବିଭିନ୍ନ ବିଦ୍ୟାଳୟର ଛାତ୍ରୀଛାତ୍ରଙ୍କ ଗୀତ, ନୃତ୍ୟ ପ୍ରଦର୍ଶନ ଦର୍ଶକଙ୍କ ମନ ମୋହିଥିଲା।
ଉମାକାନ୍ତ ବେହେରା ଓ ସୁଶ୍ରୀ ବିଜୟଲକ୍ଷ୍ମୀ ମହାଙ୍କୁଡ଼ ବିଚାରକ ଭାବେ କୃତୀ ପ୍ରତିଯୋଗୀ ଚୟନ କରିଥିଲେ। ସେମାନଙ୍କୁ ମନ୍ଦିର ପରିଚାଳନା କମିଟି ପକ୍ଷରୁ ମାନପତ୍ର ଓ ସିଲ ପ୍ରଦାନ ପୂର୍ୱକ ସମ୍ମାନିତ କରାଯାଇଥିଲା।
(((ଫଟୋ-ବିଏମ-୧୬-୬-କାର୍ଯ୍ୟକ୍ରମରେ ଉପସ୍ଥିତ ଅତିଥି ଓ ପୁରସ୍କୃୃତ ଛାତ୍ରୀଛାତ୍ର
