ବରଗଡ଼,୪।୧୨(ପ୍ରେମାନନ୍ଦ ଖମାରୀ): ବରଗଡ଼ ଧନୁଯାତ୍ରା ମହୋତ୍ସବ ଆସନ୍ତା ଡ଼ିସେମ୍ବର ମାସ ୨୪ତାରିଖରୁ ଆରମ୍ଭ ହେବ । ମହୋତ୍ସବ ୨୦୨୬ ମସିହା ଜାନୁଆରୀ ମାସ ୩ତାରିଖ ପର୍ଯ୍ୟନ୍ତ ଦୀର୍ଘ ୧୧ଦିନ ଧରି ଚାଲିବ। ଏଥିପାଇଁ ପୂର୍ବରୁ ମଥୁରା ନଗରୀ କଳାକାରଙ୍କ ଅଭ୍ୟାସ ଗତ ୨ତାରିଖରୁ ଆରମ୍ଭ ହୋଇଥିବାବେଳେ ଗୁରୁବାର ସନ୍ଧ୍ୟାରୁ ଗୋପପୁର କଳାକାରମାନେ ଅଭ୍ୟାସ ଆରମ୍ଭ କରିଛନ୍ତି।
ସ୍ଥାନୀୟ ସମଲେଶ୍ୱରୀ ବାଳକ ଉଚ୍ଚ ବିଦ୍ୟାଳୟରେ କଳାକାରମାନେ ଅଭ୍ୟାସ କରୁଛନ୍ତି। ଏଥିରେ ଶ୍ରୀକୃଷ୍ଣ, ବଳରାମ, ଶ୍ରୀରାଧାଙ୍କ ସମେତ ସମସ୍ତ ଗୋପପୁର କଳାକାର ସାମିଲ ଥିଲେ। ଗୋପପୁର କମିଟିର ସମସ୍ତ କର୍ମକର୍ତ୍ତା ଉପସ୍ଥିତ ରହି କଳାକାରମାନଙ୍କୁ ଉତ୍ସାହିତ କରିଥିଲେ ।
