ନୂଆଦିଲ୍ଲୀ,୧୨।୪: ଚଳିତ ମାସରେ ଲଗାତର ୪ ଦିନ ଲାଗି ସମସ୍ତ ବ୍ୟାଙ୍କ ବନ୍ଦ ରହିବ। ଏପ୍ରିଲ ୧୪ରୁ ୧୭ ତାରିଖ ପର୍ଯ୍ୟନ୍ତ ଦେଶରେ ବ୍ୟାଙ୍କ ସେବା କ୍ରମାଗତ ବନ୍ଦ ରହିବ। ଏହାର ବିଶେଷ ପ୍ରଭାବ ଗ୍ରାହକଙ୍କ ଉପରେ ପଡ଼ିପାରେ ବୋଲି ଆଶଙ୍କା କରାଯାଉଛି।
ରିଜର୍ଭ ବ୍ୟାଙ୍କ ପକ୍ଷରୁ ଦିଆଯାଇଥିବା ସୂଚନା ମୁତାବକ, ଏପ୍ରିଲ ୧୪ରେ ଆମ୍ବେଦକରଙ୍କ ଜୟନ୍ତୀ, ଏପ୍ରିଲ ୧୫ରେ ଗୁଡ୍ ଫ୍ରାଇଡେ ପଡ଼ୁଅଛି । ସେହିଭଳି ଏପ୍ରିଲ ୧୬ ହେଉଛି ମାସର ତୃତୀୟ ଶନିବାର । ସାଧାରଣତଃ ତୃତୀୟ ଶନିବାର ବ୍ୟାଙ୍କ ସେବା ବନ୍ଦ ରହୁ ନ ଥିଲେ ହେଁ ଏହି ଦିନ ଆସାମର ପ୍ରସିଦ୍ଧ ବିହୁ ପର୍ବ ପଡୁଥିବାରୁ ଏପ୍ରିଲ ୧୬ରେ ମଧ୍ୟ ବ୍ୟାଙ୍କ ବନ୍ଦ ରହିବ। ଏଥିସହ ଏପ୍ରିଲ ୧୭ ରବିବାର ହୋଇଥିବାରୁ, ଲଗାତର ୪ ଦିନ ଛୁଟି ପଡୁଛି। ଏସବୁ ଦିନରେ ବ୍ୟାଙ୍କ ସେବା ବନ୍ଦ ରହିବ। ଏଣୁ କୌଣସି ଜରୁରୀ ବ୍ୟାଙ୍କ କାମ ଥିଲେ ଯଥାଶୀଘ୍ର ଶେଷ କରି ନିଅନ୍ତୁ।
