ବଲାଙ୍ଗୀର,୧୨ା୯(ସୁନୀଲ କୁମାର ମହାନ୍ତି): ବଲାଙ୍ଗୀର ସରକାରୀ ପଲିଟେକ୍ନିକ୍ର ଜଣେ ପ୍ରଥମ ବର୍ଷ ଛାତ୍ରୀଙ୍କୁ ରାଗିଂ ଅଭିଯୋଗ ହୋଇଛି। ସେଇ ଶିକ୍ଷାନୁଷ୍ଠାନର ଜଣେ ଦ୍ବିତୀୟ ବର୍ଷ ଛାତ୍ରୀ ସମ୍ପୃକ୍ତା ଛାତ୍ରୀଙ୍କୁ ମାଡ଼ ମାରିଥିବା ଓ ନିର୍ଯାତନା ଦେଇଥିବା ନେଇ ଶିକ୍ଷାନୁଷ୍ଠାନର ଅଧ୍ୟକ୍ଷଙ୍କୁ ଅଭିଯୋଗ କରାଯାଇଛି। ଅଭିଯୋଗ ପାଇବା ପରେ ଅଧ୍ୟକ୍ଷ ଓ ଅନ୍ୟ ଷ୍ଟାଫ ପୀଡ଼ିତା ଛାତ୍ରୀ, ଅଭିଯୁକ୍ତ ଛାତ୍ରୀଙ୍କୁ ଡକାଇ ଶୁକ୍ରବାର ଅଧ୍ୟକ୍ଷଙ୍କ ଅଫିସ ଚ୍ୟାମ୍ବରରେ ଆଲୋଚନା କରୁଥିବା ଜଣାପଡ଼ିଛି।