ନୂଆଦିଲ୍ଲୀ,୧୯।୯: ଦେଶର ପ୍ରମୁଖ ଘରୋଇ ଜୀବନ ବୀମା କମ୍ପାନୀ ବଜାଜ ଆଲିଆଞ୍ଜ ପକ୍ଷରୁ ପ୍ରତିରକ୍ଷା ଓ କେନ୍ଦ୍ରୀୟ ସଶସ୍ତ୍ର ସେନା ବାହିନୀଙ୍କ ପାଇଁ ଏକ ଉତ୍ସର୍ଗୀକୃତ ଅଭିଯାନ ‘ବୀର’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ଏହା ସେମାନଙ୍କ ପରିବାରର ଆର୍ଥିକ ସୁରକ୍ଷାକୁ ନିଶ୍ଚିତ କରିବାରେ ବେଶ୍ ସହାୟକ ହେବ। ଏହି ନୂଆ ବ୍ୟବସାୟ ଚ୍ୟାନେଲ୍ର ଅଂଶ ଭାବେ କମ୍ପାନୀ ଦେଶର ସାହସୀ ସୈନିକମାନଙ୍କୁ ଅଭିନବ ଜୀବନ ବୀମା ସମାଧାନ ଓ ସ୍ବତନ୍ତ୍ର ସେବା ପ୍ରଦାନ କରିବ। ଏ ସମ୍ପର୍କରେ ବଜାଜ ଆଲିଆଞ୍ଜର ବରିଷ୍ଠ ଅଧିକାରୀ ଅମିତ ଜୈସ୍ବାଲ କହିଛନ୍ତି, ପ୍ରତିରକ୍ଷା ବଳ ହେଉଛି ଦେଶର ମେରୁଦଣ୍ଡ, କାରଣ ସେମାନେ ପ୍ରତିକୂଳ ପରିସ୍ଥିତିରେ ନିଜ ଜୀବନକୁ ବିପଦରେ ପକାଇ ଦେଶର ନାଗରିକମାନଙ୍କୁ ସୁରକ୍ଷା ଯୋଗାଇ ଦେଇଛନ୍ତି।
