ଶୀଘ୍ର ସ୍ଥାପନ ହୋଇପାରେ ବ୍ୟାଡ୍‌ ବ୍ୟାଙ୍କ

ନୂଆଦିଲ୍ଲୀ, ୧୯।୭:  ୬ ହଜାର କୋଟି ଟଙ୍କାର ପ୍ରସ୍ତାବିତ ପୁଞ୍ଜି ସହ ଦେଶ ମଧ୍ୟରେ ଏକ ନ୍ୟାଶନାଲ ଆସେଟ ରିକନ୍‌ଷ୍ଟ୍ରକଶନ କମ୍ପାନୀ ଲିମିଟେଡ(ଏନ୍‌ଏଆର୍‌ସିଏଲ୍‌) ବା ବ୍ୟାଡ୍‌ ବ୍ୟାଙ୍କ ସ୍ଥାପନ ଲାଗି ଇଣ୍ଡିଆନ ବ୍ୟାଙ୍କ ଆସୋସିଏଶନ ଶୀଘ୍ର ରିଜର୍ଭ ବ୍ୟାଙ୍କକୁ ଏକ ଆବେଦନ ପତ୍ର ପ୍ରଦାନ କରିବ। ପ୍ରକ୍ରିୟା ସହ ଜଡ଼ିତ ଜଣେ ଅଧିକାରୀ ଏ ନେଇ ସୂଚନା ଦେଇଛନ୍ତି। କମ୍ପାନୀର ପଞ୍ଜୀକରଣ ସହ ନିୟମ ଅନୁସାରେ ୧୦୦ କୋଟିର ପ୍ରାରମ୍ଭିକ ପୁଞ୍ଜି ବ୍ୟବସ୍ଥା କରାଯିବ। ଏହାର ପରବର୍ତ୍ତୀ ପର୍ଯ୍ୟାୟରେ ଅଡିଟ ଏବଂ ଆର୍‌ବିଆଇ ଠାରୁ ଲାଇସେନ୍ସ ପାଇବା ଲାଗି ବିଭିନ୍ନ ପଦକ୍ଷେପ ଗ୍ରହଣ କରାଯିବ। ବ୍ୟାଡ୍‌ ଲୋନ କ୍ରୟ ଲାଗି ରହିଥିବା ପୁଞ୍ଜି ସୀମାକୁ ୨୦୧୭ରେ ଆର୍‌ବିଆଇ ୧୦୦ କୋଟି ଟଙ୍କାକୁ ବଢ଼ାଇଛି। ବିଭିନ୍ନ ଆଇନଗତ ଦିଗରେ କାର୍ଯ୍ୟ କରିବା ଲାଗି ଲିଗାଲ କନ୍‌ସଲଟାଣ୍ଟ ଭାବେ ଏଜେଡ୍‌ବି ଆଣ୍ଡ ପାର୍ଟନର କାର୍ଯ୍ୟ କରୁଛି।
ପ୍ରାରମ୍ଭିକ ପୁଞ୍ଜି ପ୍ରାୟ ୮ ବ୍ୟାଙ୍କ ପ୍ରଦାନ କରିବେ। ପର୍ଯ୍ୟାୟକ୍ରମେ ଏନ୍‌ଏଆର୍‌ସିଏଲ୍‌ ଏହାର ପୁଞ୍ଜିକୁ ୬ ହଜାର କୋଟି ଟଙ୍କାକୁ ବଢ଼ାଇବ। ଏହାପରେ ଆର୍‌ବିଆଇର ମଞ୍ଜୁରୀ ଲୋଡ଼ାଯିବ ବୋଲି ଅଧିକାରୀ ଜଣକ କହିଛନ୍ତି। ଆର୍‌ବିଆଇ ଲାଇସେନ୍ସ ମିଳିବା ପରେ ଅନ୍ୟ ଇକ୍ୱିଟି ପାର୍ଟନର ଏବଂ ବ୍ୟାଙ୍କର ବୋର୍ଡକୁ ମଧ୍ୟ ସମ୍ପ୍ରସାରଣ କରାଯିବ। ବ୍ୟାଡ୍‌ ବ୍ୟାଙ୍କ ସ୍ଥାପନ ଲାଗି ଆଇବିଏକୁ କାର୍ଯ୍ୟ ଭାର ପ୍ରଦାନ କରାଯାଇଛି। ଏଥିଲାଗି ପ୍ରାରମ୍ଭିକ ପର୍ଯ୍ୟାୟରେ ବୋର୍ଡ ମଧ୍ୟ ଗଠନ କରାଯାଇଛି। ଏସ୍‌ବିଆଇର ଚାପ ଗ୍ରସ୍ତ ସମ୍ପତ୍ତି ବିଶେଷଜ୍ଞ ପି.ଏମ୍‌.ନାୟାରଙ୍କୁ ବୋର୍ଡର ପରିଚାଳନା ନିର୍ଦ୍ଦେଶକ ଭାବେ ନିଯୁକ୍ତ କରାଯାଇଛି। ଏହାର ଅନ୍ୟ ନିର୍ଦ୍ଦେଶକଙ୍କ ମଧ୍ୟରେ ଆଇବିଏ ମୁଖ୍ୟ ନିର୍ବାହୀ ସୁନୀଲ ମେହେଟ୍ଟା, ଏସ୍‌ବିଆଇର ଉପପରିଚାଳନା ନିର୍ଦ୍ଦେଶକ ଏସ୍‌ଏସ୍‌ ନାୟାର ଏବଂ କାନାରା ବ୍ୟାଙ୍କ ସିଜିଏମ୍‌ ଅଜିତ କ୍ରିଷ୍ଣନ ନାୟାର ରହିଛନ୍ତି।
ଅର୍ଥମନ୍ତ୍ରୀ ନିର୍ମଳା ସୀତାରାମନ ବଜେଟ୍‌ ୨୦୨୧-୨୨ ଉପସ୍ଥାପନ ବେଳେ ବ୍ୟାଡ୍‌ ବ୍ୟାଙ୍କ ସମ୍ପର୍କରେ ଘୋଷଣା କରିଥିଲେ। ବ୍ୟାଙ୍କ ଗୁଡ଼ିକରେ ଅନାଦାୟ ଋଣ ବଢୁଥିବାରୁ ବ୍ୟାଙ୍କ ବୁକ୍‌କୁ ସ୍ବଚ୍ଛ ରଖିବା ଲାଗି ଏଭଳି ପଦକ୍ଷେପ ଗ୍ରହଣ କରିବା ନେଇ ଯୋଜନା କରାଯାଇଛି। ଚାପଗ୍ରସ୍ତ ଋଣକୁ ଆସେଟ୍‌ ରିକନ୍‌ଷ୍ଟ୍ରକଶନ କମ୍ପାନୀ ଲିମିଟେଡ ଏବଂ ଆସେଟ୍‌ ମ୍ୟାନେଜମେଣ୍ଟ କମ୍ପାନୀ ନିଜ ଅକ୍ତିଆରକୁ ନେବ ବୋଲି ବଜେଟ ଅଭିଭାଷଣରେ ନିର୍ମଳା କହିଥିଲେ। ଏନ୍‌ପିଏ ସମ୍ପତ୍ତିଗୁଡ଼ିକୁ ବିକଳ୍ପ ଫଣ୍ଡ ଏବଂ ସମ୍ଭାବ୍ୟ ନିବେଶକଙ୍କ ଦ୍ୱାରା ମୂଲ୍ୟ ନିର୍ଦ୍ଧାରଣ ସହ ଅର୍ଥ ଫେରାଇ ଆଣିବାରେ ଏହି କମ୍ପାନୀଗୁଡ଼ିକ କାର୍ଯ୍ୟ କରିବ। ଏନ୍‌ପିଏ ରିଜଲ୍ୟୁଶନ ଲାଗି ଗତବର୍ଷ ଆଇବିଏ ଏକ ପ୍ରସ୍ତାବ ଦେଇଥିଲା। ସରକାର ଏହି ପ୍ରସ୍ତାବକୁ ଗ୍ରହଣ କରିଥିଲେ। ଆସେଟ୍‌ ରିକନ୍‌ଷ୍ଟ୍ରକଶନ କମ୍ପାନୀ ଏବଂ ଆସେଟ୍‌ ମ୍ୟାନେଜମେଣ୍ଟ କମ୍ପାନୀ ମଡେଲ ଗ୍ରହଣ କରିବା ଲାଗି ସରକାର ନିଷ୍ପତ୍ତି ଗ୍ରହଣ କରିଥିଲେ। ଏନ୍‌ଏଆର୍‌ସିଏଲ୍‌ ଗଠନରେ ପ୍ରମୁଖ ଅଂଶୀଦାର ରହିବା ଲାଗି କାନାରା ବ୍ୟାଙ୍କ ଆଗ୍ରହ ଦେଖାଇଥିବା ଜଣାପଡିଛି। ଏହି ବ୍ୟାଙ୍କ ୧୨% ଅଂଶଧନ ରଖିବ ବୋଲି ପ୍ରସ୍ତାବ ରହିଛି। ପ୍ରସ୍ତାବିତ ଏନ୍‌ଏଆର୍‌ସିଏଲ୍‌ରେ ୫୧% ଅଂଶଧନ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକ ନିକଟରେ ରହିବ। ବଳକା ଅଂଶଧନ ଘରୋଇ ବ୍ୟାଙ୍କଗୁଡ଼ିକ ନିକଟରେ ରହିବ। ଏହା ବ୍ୟାଙ୍କଗୁଡ଼ିକ ଦ୍ୱାରା ଘୋଷଣା ହୋଇଥିବା ଏନ୍‌ପିଏକୁ ଏନ୍‌ଏଆର୍‌ସିଏଲ୍‌ ଅଧିଗ୍ରହଣ କରିବ। ଏନ୍‌ପିଏ ବିକ୍ରି ପ୍ରକ୍ରିୟାକୁ ଏହା ତ୍ୱରାନ୍ବିତ କରିବ। ବ୍ୟାଙ୍କଗୁଡ଼ିକ ପ୍ରଦାନ କରିଥିବା ଏନ୍‌ପିଏ ସମ୍ପତ୍ତିଗୁଡ଼ିକୁ ଏହା ନିଜ ଅକ୍ତିଆରକୁ ନେବ। ପ୍ରାରମ୍ଭିକ ପର୍ଯ୍ୟାୟରେ ୨୨ ଏନ୍‌ପିଏକୁ ବ୍ୟାଙ୍କ ଚିହ୍ନଟ କରିଛନ୍ତି। ଏହାର ମୂଲ୍ୟ ପ୍ରାୟ ୮୯ ହଜାର କୋଟି ଟଙ୍କା ହେବ। ଏହା ଏନ୍‌ଏଆର୍‌ସିଏଲ୍‌ ଅଧୀନକୁ ଆସିବ।


Enter your email to get our daily news in your inbox.

All Right Reserved By Dharitri.Com

ବିକାଶରେ ରାଷ୍ଟ୍ରାୟତ୍ତ ବ୍ୟାଙ୍କଗୁଡିକର ଭୂମିକା ଗୁରୁତ୍ୱପୂର୍ଣ୍ଣ

ଭୁବନେଶ୍ୱର, ୨୦-୭(ବ୍ୟୁରୋ): ବର୍ତ୍ତମାନ ସାରା ଦେଶରେ ରାଷ୍ଟ୍ରାୟତ୍ତ ବ୍ୟାଙ୍କ ଶାଖା ୧.୪୧ ଲକ୍ଷ ଛୁଇଁଛି। ବ୍ୟାଙ୍କଗୁଡିକ ଦେଶର ୯୫% ଲୋକଙ୍କ ନିକଟରେ ପହଞ୍ଚି ପାରିଛନ୍ତି। ଦେଶର...

୫ ଟ୍ରିଲିୟନ ଡଲାର ଜିଡିପି ଲକ୍ଷ୍ୟ କଷ୍ଟସାଧ୍ୟ

ନୂଆଦିଲ୍ଲୀ:  ଆର୍ଥତ୍କ ବର୍ଷ ୨୦୨୦-୨୧ରେ ଭାରତୀୟ ଅର୍ଥ ବ୍ୟବସ୍ଥାକୁ ୮୩ ବିଲିୟନ ଡଲାରର କ୍ଷତି ସହିବାକୁ ପଡ଼ିଛି। ଏହି ଅବଧିରେ ଦେଶର ମୋଟ ଘରୋଇ ଉତ୍ପାଦ(ଜିଡିପି) ୭.୩%...

୯୦,୩୯୫ କୋଟି ଋଣ ପ୍ରଦାନର ସମ୍ଭାବନା

ଭୁବନେଶ୍ୱର,୨୮-୧: ବର୍ଷ ୨୦୨୦-୨୧ ଲାଗି ରାଜ୍ୟର ଅଗ୍ରାଧିକାର କ୍ଷେତ୍ରଗୁଡିକୁ ପ୍ରାୟ ୯୦,୩୯୫ କୋଟି ଟଙ୍କାର ଋଣ ଯୋଗାଣ ନେଇ ସମ୍ଭାବନା ରହିଛି। ବ୍ୟାଙ୍କଗୁଡିକ ଏ ଦିଗରେ...

ଏଆର୍‌ସିସି ଚତୁର୍ଥ ରାଉଣ୍ଡରେ ଯୋଗଦେବ ହୋଣ୍ଡା ଟିମ୍‌

ଭୁବନେଶ୍ୱର,୧ -୭: ଏଫ୍‌ଆଇଏମ୍‌ ଏସିଆନ୍‌ ରୋଡ୍‌ ରେସିଂ ଚାମ୍ପିୟନଶିପର ଚତୁର୍ଥ ରାଉଣ୍ଡରେ ଭାଗନେବା ଲାଗି ହୋଣ୍ଡାର ଭାରତୀୟ ଟିମ୍‌ ଆଇଡେମିଶୁ ହୋଣ୍ଡା ରେସିଂ ଇଣ୍ଡିଆ ଟିମ୍‌...

ୟୁନିୟନ ବ୍ୟାଙ୍କ ପକ୍ଷରୁ ଋଣ ମୁକ୍ତି ଶିବିର

ଭୁବନେଶ୍ୱର : ୟୁନିୟନ ବ୍ୟାଙ୍କ ଅଫ୍‌ ଇଣ୍ଡିଆ ପକ୍ଷରୁ ଋଣ ମୁକ୍ତି ଶିବିର ସମ୍ପର୍କରେ ଘୋଷଣା କରାଯାଇଛି। ଏହି ଶିବିର ଚଳିତ ମାସ ୧ ତାରିଖରୁ...

ସ୍ଥିତି ସମୀକ୍ଷା କଲେ ନିର୍ମଳା

ନୂଆଦିଲ୍ଲୀ,୨୧-୩: ଅର୍ଥମନ୍ତ୍ରୀ ନିର୍ମଳା ସୀତାରାମନ ଶୁକ୍ରବାର କରୋନାକୁ ନେଇ ଦେଶରେ ଉପୁଜିଥିବା ସ୍ଥିତିକୁ ସମୀକ୍ଷା କରିଛନ୍ତି। ସେ ୪ କେନ୍ଦ୍ରମନ୍ତ୍ରୀଙ୍କୁ ଭେଟିଛନ୍ତି। ଏହାବାଦ ବେସାମରିକ ବିମାନ...

ରପ୍ତାନିରେ ହ୍ରାସ ଧାରା ଜାରି

ନୂଆଦିଲ୍ଲୀ,୧୫-୧୨: ଚଳିତ ଆର୍ଥତ୍କ ବର୍ଷରେ ଲଗାତର ଭାବେ ପଞ୍ଚମ ଥର ଲାଗି ରପ୍ତାନିରେ ହ୍ରାସ ଘଟିଛି। ଚଳିତ ବର୍ଷ ନଭେମ୍ବରରେ ଦେଶ ମଧ୍ୟରୁ ରପ୍ତାନି ୦.୩୨%...

ଏମ୍‌.ରାଜେଶ୍ୱର ରାଓ ଆର୍‌ବିଆଇ ଡେପୁଟି ଗଭର୍ନର

ମୁମ୍ବାଇ: ଏମ୍‌.ରାଜେଶ୍ୱର ରାଓଙ୍କୁ ରିଜର୍ଭ ବ୍ୟାଙ୍କ(ଆର୍‌ବିଆଇ)ର ଡେପୁଟି ଗଭର୍ନର ଭାବେ ସରକାର ବୁଧବାର ନିଯୁକ୍ତି ପ୍ରଦାନ କରିଛନ୍ତି। ରିଜର୍ଭ ବ୍ୟାଙ୍କରେ କାର୍ଯ୍ୟରତ କାର୍ଯ୍ୟନିର୍ବାହୀ ନିର୍ଦ୍ଦେଶକ(ଇଡି)ଙ୍କ ମଧ୍ୟରୁ...

Advertisement
Archives

Model This Week