ନୂଆଦିଲ୍ଲୀ,୧୯।୮: ଏସିଆ କପ ପାଇଁ ପାକିସ୍ତାନ ଦଳରେ ଚୟନ ନହେବା ପରେ ବାବର ଆଜମ ଅବସର ନେଇଛନ୍ତି। ଏପର୍ଯ୍ୟନ୍ତ କେବଳ ପାକିସ୍ତାନ ଏସିଆ କପ ପାଇଁ ଦଳ ଘୋଷଣା କରିଛି, ଯେଉଁଥିରୁ ବାବର ଆଜମ ଏବଂ ମହମ୍ମଦ ରିଜୱାନଙ୍କ ରୂପରେ ୨ ଜଣ ବରିଷ୍ଠ ଖେଳାଳିଙ୍କୁ ବାଦ ଦିଆଯାଇଛି। ସୋସିଆଲ ମିଡିଆରେ ଏକ ପୋଷ୍ଟ ଭାଇରାଲ ହୋଇଛି, ଯେଉଁଥିରେ ଦାବି କରାଯାଇଛି ଯେ ବାବର ଟି-୨୦ କ୍ରିକେଟକୁ ଅଲବିଦା କହିଛନ୍ତି। ବାବର ୨୦୨୫ ରେ କୌଣସି ଟି-୨୦ ମ୍ୟାଚ ଖେଳି ନାହାଁନ୍ତି, କିନ୍ତୁ ଭାଇରାଲ ହେଉଥିବା ତାଙ୍କର ଅବସର ପୋଷ୍ଟ ଏଆଇ ଦ୍ୱାରା ପ୍ରସ୍ତୁତ କରାଯାଇଛି, ଯାହା ସମ୍ପୂର୍ଣ୍ଣ ନକଲି।
ସୋସିଆଲ ମିଡିଆରେ ଭାଇରାଲ ହୋଇଥିବା ପୋଷ୍ଟ ଅନୁଯାୟୀ, ବାବର ଆଜମ ଲେଖିଛନ୍ତି, ଏସିଆ କପ ପାଇଁ ଚୟନ ହୋଇଥିବା ସମସ୍ତ ଯୁବପିଢ଼ିଙ୍କୁ ଶୁଭେଚ୍ଛା ଏବଂ ସମସ୍ତେ ଭଲ ପ୍ରଦର୍ଶନ କରିପାରିବେ ବୋଲି କାମନା କରୁଛି। ଏହା ସହିତ, ମୁଁ ଏହା ମଧ୍ୟ କହିବାକୁ ଚାହୁଁଛି ଯେ ମୁଁ ଟି-୨୦ କ୍ରିକେଟରୁ ଅବସର ନେଉଛି। ଏପର୍ଯ୍ୟନ୍ତ ଏହି ଯାତ୍ରାରେ ମିଳିଥିବା ସ୍ମୃତି, ସମର୍ଥନ ଏବଂ ପ୍ରେମ ପାଇଁ ସମସ୍ତଙ୍କୁ ଧନ୍ୟବାଦ। ବାବର ଆଜମ ସୋସିଆଲ ମିଡିଆରେ ଏପରି କୌଣସି ପୋଷ୍ଟ ଶେୟାର କରିନାହାଁନ୍ତି ଏବଂ ଭାଇରାଲ ହେଉଥିବା ଏହି ପୋଷ୍ଟ ଏଆଇ ଦ୍ୱାରା ସୃଷ୍ଟି ହୋଇଛି ଏବଂ ଏହା ସମ୍ପୂର୍ଣ୍ଣ ନକଲି। ବାବର ଆଜମ ଅନ୍ତର୍ଜାତୀୟ ଟି-୨୦ କ୍ରିକେଟରୁ ଅବସର ନେଇନାହାଁନ୍ତି।
