ନର୍ଥ ମାସିଡୋନିଆ: ବୁଲଗେରିଆର ଭବିଷ୍ୟଦ୍ବକ୍ତା ବାବା ଭେଙ୍ଗାଙ୍କର ପ୍ରକୃତ ନାମ ଥିଲା ଭେଙ୍ଗେଲିଆ ପାଣ୍ଡେଭା ଗୁଷ୍ଟରୋଭା। ତାଙ୍କର ଜନ୍ମ ୧୯୧୧ ମସିହାରେ ହୋଇଥିଲା। ସେ ତାଙ୍କ ଜୀବନକାଳ ମଧ୍ୟରେ ଅନେକ ଭବିଷ୍ୟବାଣୀ କରିଛନ୍ତି। ଏପରି ଏକ ଭବିଷ୍ୟବାଣୀରେ ସେ କହିଛନ୍ତି ଯେ ୩୭୯୭ ମସିହାରେ ମଣିଷକୁ ପୃଥିବୀ ଛାଡିବାକୁ ପଡିବ କାରଣ ସେତେବେଳକୁ ପୃଥିବୀ ବାସଯୋଗ୍ୟ ରହିବ ନାହିଁ। ବାବା ଭେଙ୍ଗାଙ୍କ ଅନେକ ଭବିଷ୍ୟବାଣୀ ପୂର୍ବରୁ ସତ୍ୟ ପ୍ରମାଣିତ ହୋଇସାରିଛି।
ବାବା ଭେଙ୍ଗା ୯/୧୧ ବିଶ୍ୱ ବାଣିଜ୍ୟ କେନ୍ଦ୍ର ଆକ୍ରମଣ, ରାଜକୁମାରୀ ଡାଏନାଙ୍କ ମୃତ୍ୟୁ, ସୋଭିଏତ ୟୁନିଅନର ବିଘଟନ ଏବଂ ଚାଇନା ଏକ ବିଶ୍ୱ ଶକ୍ତି ହେବା ବିଷୟରେ ଭବିଷ୍ୟବାଣୀ କରିଥିଲେ, ଯାହା ସମୟ ସହିତ ସତ୍ୟ ପ୍ରମାଣିତ ହୋଇଥିଲା। ଏହି ଭବିଷ୍ୟବାଣୀଗୁଡ଼ିକର ଆଂଶିକ ସଠିକତା ତାଙ୍କୁ ଏକ ରହସ୍ୟମୟ ବ୍ୟକ୍ତିତ୍ୱ କରିଦେଇଥିଲା। ପାଶ୍ଚାତ୍ୟ ଗଣମାଧ୍ୟମରେ ତାଙ୍କୁ ପ୍ରାୟତଃ ‘ବାଲକାନ ନୋଷ୍ଟ୍ରାଡାମସ’ ବୋଲି କୁହାଯାଏ। ବାବା ଭେଙ୍ଗା ତାଙ୍କ ଯୁବକ ଅବସ୍ଥାରେ ଏକ ଦୁର୍ଘଟଣାରେ ଦୃଷ୍ଟିଶକ୍ତି ହରାଇଥିଲେ, ଯାହା ପରେ ସେ ଭବିଷ୍ୟତ ଦେଖିବାର ଶକ୍ତି ଅର୍ଜନ କରିଥିବା ଦାବି କରିଥିଲେ। ଧୀରେ ଧୀରେ ସେ ଜଣେ ପ୍ରସିଦ୍ଧ ଭବିଷ୍ୟଦ୍ବକ୍ତା ହୋଇଗଲେ।
