ଭୁବନେଶ୍ୱର,୨୬ା୪: ଆକ୍ସିସ୍ ବ୍ୟାଙ୍କର ନିର୍ଦ୍ଦେଶକ ମଣ୍ଡଳୀ ବୈଠକ ନିକଟରେ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ବ୍ୟାଙ୍କର କାରବାର ଓ ଆଗାମୀ କାର୍ଯ୍ୟକଳାପ ସହ ୨୦୨୩-୨୪ ଆର୍ଥତ୍କ ବର୍ଷର ୪ର୍ଥ ତ୍ରୈମାସିକ ଏବଂ ବାର୍ଷିକ ଫଳାଫଳ ମଧ୍ୟ ଘୋଷଣା କରାଯାଇଥିଲା। ଉଲ୍ଲେଖଯୋଗ୍ୟ, ୨୦୨୩-୨୪ ଆର୍ଥତ୍କ ବର୍ଷରେ ବ୍ୟାଙ୍କର ମୋଟ ନେଟ୍ ଲାଭ ୨୪,୮୬୧ କୋଟି ଟଙ୍କା ହୋଇଥିବାବେଳେ ୨୦୨୨-୨୩ ଆର୍ଥତ୍କ ବର୍ଷର ଫଳାଫଳ ଅନୁପାତରେ ୧୬୦% ବୃଦ୍ଧି ଘଟିଛି।
ସେହିଭଳି ୨୦୨୨-୨୩ ଆର୍ଥିକ ବର୍ଷରେ ବ୍ୟାଙ୍କ ମୋଟ ୯,୫୮୦ କୋଟିର ଲାଭ ଆଦାୟ କରିଥିଲାବେଳେ ବ୍ୟାଙ୍କର ନେଟ୍ ସୁଧ ଆୟ ବର୍ଷକ ତୁଳନାରେ ୧୬% ଏବଂ ୪ର୍ଥ ତ୍ରୈମାସିକରେ ୧୧% ବୃଦ୍ଧି ପାଇ ୨୦୨୩-୨୪ ଆର୍ଥତ୍କ ବର୍ଷରେ ମୋଟ ୪୯,୮୯୪ କୋଟି ଟଙ୍କାର କାରବାର ହୋଇଛି। ୨୦୨୨-୨୩ ଆର୍ଥିକ ବର୍ଷରେ ବ୍ୟାଙ୍କର ମୋଟ କାରବାର ୪୨,୯୪୬ କୋଟି ଟଙ୍କା ଟଙ୍କା ଥିଲା। ଏପରିକି ବ୍ୟାଙ୍କର ନେଟ୍ ସୁଧ ମାର୍ଜିନ ୪.୦୬% ରହିଥିଲା ଏବଂ ୪ର୍ଥ ତ୍ରୈମାସିକରେ ୫ ବିପିଏସ୍ ବୃଦ୍ଧି ପାଇଛି।
ଏ ସମ୍ପର୍କରେ ଆକ୍ସିସ୍ ବ୍ୟାଙ୍କର ଏମ୍ଡି ତଥା ସିଇଓ ଅମିତାଭ ଚୌଧୁରୀ କହିଛନ୍ତି, ୨୦୨୩-୨୪ ଆର୍ଥତ୍କ ବର୍ଷରେ ବ୍ୟାଙ୍କ ନିରନ୍ତର ଅଭିବୃଦ୍ଧିର ଯାତ୍ରା ଜାରି ରଖିଛି, ଯେତେବେଳେ ଆମେ ଆମର ପ୍ରମୁଖ ପ୍ରାଥମିକ କ୍ଷେତ୍ରଗୁଡିକ ଉପରେ ଧ୍ୟାନଦେବା ସହିତ ସହରର ଏକୀକରଣ ଯୋଜନା କାର୍ଯ୍ୟକାରୀ କରାଉଛୁ। ଏପରିକି ଆମେ ଆଗାମୀ ୬ ମାସ ମଧ୍ୟରେ ଅନ୍ତିମ ମାଇଲଖୁଣ୍ଟ ଏଲ୍ଡି଼୨ ହାସଲ କରିବା ଦିଗରେ ଆଶାବାଦୀ ରହିଛୁ।
