ନୂଆଦିଲ୍ଲୀ,୧୫।୯: ଅଟୋ ଏବଂ ଡ୍ରୋନ୍ ସେକ୍ଟର ପାଇଁ ପ୍ରଡକଶନ୍ ଲିଙ୍କ୍ ଇନସେନଟିଭ୍ (ପିଏଲ୍ଆଇ) ଯୋଜନା ଅନ୍ତର୍ଗତ ୫୭,୦୪୩ କୋଟି ଟଙ୍କାର ପ୍ୟାକେଜ୍ ଘୋଷଣା କରାଯାଇଛି। ବୁଧବାର ଅନୁଷ୍ଠିତ ହୋଇଥିବା କ୍ୟାବିନେଟ୍ ବୈଠକରେ ଏହାକୁ ମଞ୍ଜୁରୀ ମିଳିଛି। ଧାର୍ଯ୍ୟ ପ୍ୟାକେଜ ମଧ୍ୟରୁ ଅଟୋ ସେକ୍ଟରକୁ ୨୫,୯୩୮ କୋଟି ଟଙ୍କାର ପ୍ୟାକେଜ ପ୍ରଦାନ କରାଯିବ।
ଏହା ଦ୍ୱାରା ଅଟୋ ସେକ୍ଟରରେ ୭.୫ ଲକ୍ଷ ଲୋକଙ୍କ ପାଇଁ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ ବୋଲି ସରକାର ଅନୁମାନ କରୁଛନ୍ତି। ଏହି ପ୍ୟାକେଜ୍ ଦ୍ୱାରା ଦେଶରେ ବିଦ୍ୟୁତ୍ ଚାଳିତ ଯାନ ବାହନ ନିର୍ମାଣ ପ୍ରୋତ୍ସାହିତ ହୋଇପାରିବ ବୋଲିି କୁହାଯାଉଛି।
କ୍ୟାବିନେଟ୍ ମଞ୍ଜୁରୀକୁ ଅଟୋ କମ୍ପାନୀ ସଂଗଠନ ଏସ୍ଆଇଏଏମ୍ ପକ୍ଷରୁ ସ୍ବାଗତ କରାଯାଇଛି। ଏହା ମାଧ୍ୟମରେ ଅଟୋ ସେକ୍ଟର ବିକାଶ ସମ୍ଭବ ହୋଇ ପାରିବ ବୋଲି ସଂଗଠନ କହିଛି।
ସୂଚନାଯୋଗ୍ୟ, ଏହି ପ୍ୟାକେଜ୍ରେ ଇଲୋକ୍ଟ୍ରୋନିକ୍ସ ପାଓ୍ବାର ଷ୍ଟିୟରିଂ, ଅଟୋମେଟିକ୍ ଟ୍ରାନ୍ସମିଶନ ଆସେମ୍ବ୍ଲି, ସେନସର, ସନ୍ରୁଫ୍, ସୁପର କାପାସିଟର, ଆଡପ୍ଟିଭ୍ ଫ୍ରଣ୍ଟ୍ ଲାଇଟିଂ, ଟାୟାର ପ୍ରେସର ମନିଟରିଂ ସିଷ୍ଟମ୍, ଅଯୋମେଟିକ୍ ବ୍ରେକିଂ, କୋଲିଜନ ଓ୍ବାର୍ନିଂ ସିଷ୍ଟମ୍ ଆଦିକୁ ଅନ୍ତର୍ଭୁକ୍ତ କରାଯିବ।
