ମେଲବୋର୍ନ,୨୬।୧୨: ମେଲବୋର୍ନରେ ଖେଳାଯାଉଥିବା ବକ୍ସିଂ ଡେ ଟେଷ୍ଟର ପ୍ରଥମ ଦିନ ଆୟୋଜକ ଅଷ୍ଟ୍ରେଲିଆ ନାମରେ ହୋଇଥିଲା। ପାଞ୍ଚ ମ୍ୟାଚ ସିରିଜର ଚତୁର୍ଥ ଟେଷ୍ଟ ମ୍ୟାଚରେ ୧୯ ବର୍ଷୀୟ ସାମ କନଷ୍ଟାସ ଡେବ୍ୟୁ କରିଥିଲେ ଏବଂ ନିଜର ଶକ୍ତିଶାଳୀ ଖେଳ ପ୍ରଦର୍ଶନ କରିଥିଲେ। ପ୍ରଥମ ଦିନରେ ୪ଜଣ ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ ଅର୍ଦ୍ଧଶତକ ହାସଲ କରିଥିଲେ। ଷ୍ଟମ୍ପ ଅପସାରଣବେଳକୁ ଷ୍ଟିଭ ସ୍ମିଥ ୬୮ ରନ୍ରେ ଏବଂ ୦୮ ରନ୍ରେ ପ୍ୟାଟ କମିନ୍ସ ଅପରାଜିତ ହୋଇ ଫେରିଥିଲେ।
ମେଲବୋର୍ନରେ ଭାରତ ଦୁଇଟି ସ୍ପିନରଙ୍କ ସହ ଯିବାକୁ ସ୍ଥିର କରିଥିଲା, କିନ୍ତୁ ଅଧିନାୟକ ରୋହିତଙ୍କ ଏହି ନିଷ୍ପତ୍ତି ବର୍ତ୍ତମାନ ପର୍ଯ୍ୟନ୍ତ ସଠିକ ପ୍ରମାଣିତ ହୋଇନାହିଁ। ପ୍ରଥମ ଦିନର ଖେଳ ଶେଷ ହେବା ବେଳକୁ ଅଷ୍ଟ୍ରେଲିଆ ୬ ଉଇକେଟ ହରାଇ ୩୧୧ ରନ ସଂଗ୍ରହ କରିଥିଲା। ପ୍ରଥମ ଦିନରେ ସାମ କନଷ୍ଟାସ, ଉସମାନ ଖ୍ବାଜା, ମାର୍ନସ ଲାବୁସାଗ୍ନେ ଏବଂ ଷ୍ଟିଭ ସ୍ମିଥ ଅର୍ଦ୍ଧଶତକ ହାସଲ କରିଥିଲେ। ଜସପ୍ରୀତ ବୁମ୍ରା ଭାରତ ପାଇଁ ୩ଟି ଉଇକେଟ ନେଇଥିଲେ।
ଟସ ଜିତି ପ୍ରଥମେ ବ୍ୟାଟିଂ କରିବାକୁ ଆସିଥିବା ଅଷ୍ଟ୍ରେଲିଆ ପାଇଁ ଖ୍ବାଜା ଏବଂ କନଷ୍ଟାସ ଅଷ୍ଟ୍ରେଲିଆ ଦଳକୁ ଏକ ଭଲ ଆରମ୍ଭ କରିଥିଲେ। ଉଭୟ ପ୍ରଥମ ଉଇକେଟ ପାଇଁ ୮୯ ରନ ଯୋଡିଥିଲେ। ୬୫ ବଲରେ ୬୦ ରନ ସ୍କୋର କରିବା ପରେ କନଷ୍ଟାସ ଆଉଟ ହୋଇଥିଲେ। ତାଙ୍କ ବ୍ୟାଟରୁ ୪ଟି ଚୌକା ଓ ୨ଟି ଛକା ଆସିଥିଲା। ଏହି କାରଣରୁ ତାଙ୍କୁ ବହୁତ ପ୍ରଶଂସା କରାଯାଉଛି। ରବିନ୍ଦ୍ର ଜାଡେଜା କନଷ୍ଟାସ୍ଙ୍କୁ ଆଉଟ୍ କରିଥିଲେ।
ଦ୍ୱିତୀୟ ଉଇକେଟ ପାଇଁ ମଧ୍ୟ ଅର୍ଦ୍ଧଶତକୀୟ ଭାଗିଦାରୀ ହୋଇଥିଲା। ଦ୍ୱିତୀୟ ଉଇକେଟ ଖ୍ବାଜା ଆକାରରେ ପଡିଥିଲା। ୧୨୧ ବଲରେ ୫୭ ରନ ସ୍କୋର କରିବା ପରେ ସେ ଆଉଟ ହୋଇଥିଲେ। ବୁମରା ଖ୍ବାଜାଙ୍କୁ ପ୍ୟାଭିଲିୟନକୁ ପଠାଇଲେ। ଉଭୟ ୮୩ ରନର ଭାଗିଦାରୀ କରିଥିଲେ।
୭ ଚୌକା ସହାୟତାରେ ୧୪୫ ବଲରେ ୭୨ ରନ ସ୍କୋର କରିବା ପରେ ଲାବୁସାଗେନ ଆଉଟ ହୋଇଥିଲେ। ସୁନ୍ଦର ତାଙ୍କୁ ପାଭିଲିୟନକୁ ପଠାଇଲେ। ତା’ପରେ ଟ୍ରାଭିସ ହେଡ ଏବଂ ମିଚେଲ ମାର୍ଶ ଶସ୍ତା ହୋଇଥିଲେ।
ଏହା ପରେ ଆଲେକ୍ସ କେରି ଏବଂ ଷ୍ଟିଭ ସ୍ମିଥ ଏକ ଅର୍ଦ୍ଧଶତକୀୟ ସହଭାଗିତା କରିଥିଲେ। ତେବେ ୪୧ ବଲରେ ୩୧ ରନ ସ୍କୋର କରିବା ପରେ କେରେ ଆଉଟ ହୋଇଥିଲେ। ଆକାଶଦୀପ ତାଙ୍କୁ ପାଭିଲିୟନକୁ ପଠାଇଲେ।
