ନୂଆଦିଲ୍ଲୀ,୭।୧୦: ଭାରତ ବିପକ୍ଷରେ ଦିନିକିଆ ସିରିଜ ପାଇଁ ଅଷ୍ଟ୍ରେଲିଆ ତା’ର ୧୫ ଜଣିଆ ଦଳ ଘୋଷଣା କରିଛି। ଅକ୍ଟୋବର ୧୯ ତାରିଖରୁ ଆରମ୍ଭ ହେବାକୁ ଥିବା ଦଳରୁ ପ୍ୟାଟ କମିନ୍ସ ଏବଂ ଗ୍ଲେନ ମ୍ୟାକ୍ସୱେଲଙ୍କୁ ବାଦ ଦିଆଯାଇଛି। ଦଳର ଅଧିନାୟକ କମିନ୍ସ ଏବେ ବି ପିଠି ଆଘାତରୁ ସୁସ୍ଥ ହେଉଛନ୍ତି। ତାଙ୍କ ସ୍ଥାନରେ ମିଚେଲ ମାର୍ଶଙ୍କୁ ଅଧିନାୟକ ଭାବରେ ନିଯୁକ୍ତ କରାଯାଇଛି।
ଦଳରେ ଆଉ ଦୁଇଟି ବଡ଼ ପରିବର୍ତ୍ତନ ହୋଇଛି। ବ୍ୟାଟ୍ସମ୍ୟାନ ମାର୍ନସ ଲାବୁଶାଗ୍ନେଙ୍କୁ ଖରାପ ଫର୍ମ ଯୋଗୁ ବାଦ ଦିଆଯାଇଛି। ଏହା ବ୍ୟତୀତ, ଗ୍ଲେନ ମ୍ୟାକ୍ସୱେଲ ମଧ୍ୟ ସୁସ୍ଥ ହୋଇନାହାଁନ୍ତି ଏବଂ ତାଙ୍କୁ ଉଭୟ ଦିନିକିଆ ଏବଂ ଟି୨୦ ଦଳରୁ ବାଦ ଦିଆଯାଇଛି। ସେ ବିଗ ବ୍ୟାସ ଲିଗରେ ଫେରିବେ ବୋଲି ଆଶା କରାଯାଉଛି।
ଭାରତ ବିପକ୍ଷରେ ଅଷ୍ଟ୍ରେଲିଆର ଦିନିକିଆ ଦଳ:
ମିଚେଲ ମାର୍ଶ (ଅଧିନାୟକ), ଜାଭିୟର ବାର୍ଟଲେଟ, ଆଲେକ୍ସ କେରି, କୁପର କନୋଲି, ବେନ ଡୋରଶୁଇସ, ନାଥନ ଏଲିସ, କାମେରୁନ ଗ୍ରୀନ, ଜୋଶ ହାଜେଲଉଡ, ଟ୍ରାଭିସ ହେଡ, ଜୋଶ ଇଙ୍ଗଲିସ, ମିଚେଲ ଓୱେନ, ମାଥ୍ୟୁ ରେନଶା, ମାଥ୍ୟୁ ସର୍ଟ, ମିଚେଲ ଷ୍ଟାର୍କ, ଆଡାମ ଜାମ୍ପା ।
Dharitri — Odisha’s Most Trusted Odia Newspaper
