ନୂଆଦିଲ୍ଲୀ: ରିୟଲ ଇଷ୍ଟେଟ କମ୍ପାନୀ ଆସୋଟେକ୍ ଗ୍ରୁପ୍ ପକ୍ଷରୁ ସ୍ଥାନୀୟ ରୁଦ୍ରପୁରଠାରେ ନୂଆ ଟାଉନଶିପ ପ୍ରୋଜେକ୍ଟ ବିକଶିତ କରାଯାଉଛି। କମ୍ପାନୀ ନଭେମ୍ବର ୨୦୧୯ରୁ ଏହାର ଶୁଭାରମ୍ଭ କରିଛି। ଭୁବନେଶ୍ୱରଠାରେ ଆସୋଟେକ୍ ସନ୍ ଗ୍ରୋଥ ଆବୋଡ ଏଲ୍ଏଲ୍ପି ମାଧ୍ୟମରେ କମ୍ପାନୀ ନିଜସ୍ବ ଜମିରେ ଏହି ଗ୍ରୁପ୍ ହାଉସିଂ ଟାଉନଶିପ ପ୍ରକଳ୍ପ ବିକଶିତ କରାଯାଉଥିବା ଗ୍ରୁପ୍ର ଏମ୍ଡି ସଞ୍ଜୀବ ଶ୍ରୀବାସ୍ତବ ଏକ ଖବରଦାତା କାର୍ଯ୍ୟକ୍ରମରେ ସୂଚନା ଦେଇଛନ୍ତି।
ସେ କହିଛନ୍ତି, କମ୍ପାନୀ ରାଜ୍ୟରେ ୯୦୦ କୋଟି ଟଙ୍କାରୁ ଊର୍ଦ୍ଧ୍ୱ ନିବେଶ ଯୋଜନା ରଖିଛି। ଏଥିରେ ପ୍ରାୟ ୩ଟି ପର୍ଯ୍ୟାୟରେ ୧୭୦୦ରୁ ଅଧିକ ଆପାର୍ଟମେଣ୍ଟ ନିର୍ମାଣ କରାଯାଉଛି। ନୂଆ ପ୍ରକଳ୍ପ ମୋଟ ୨୦ ଏକର ପରିମିତ ସ୍ଥାନରେ ନିର୍ମାଣ କରାଯିବ। ପ୍ରଥମ ପର୍ଯ୍ୟାୟରେ ୧୦୧୦ଟି ଫ୍ଲାଟ୍ ନିର୍ମାଣ କାର୍ଯ୍ୟ ଏବେ ଜାରି ରହିଛି। ଏଥିରେ ଅତ୍ୟାଧୁନିକ ସୁବିଧା ଯୋଗାଣକୁ ଗୁରୁତ୍ୱ ଦିଆଯାଉଛି। ସେହିଭଳି ସାମାଜିକ ପ୍ରତିବଦ୍ଧତାର ଅଂଶ ଭାବେ ଏହା ଅର୍ଥନୈତିକ ଦୁର୍ବଳଶ୍ରେଣୀ (ଇଡବ୍ଲ୍ୟୁଏସ୍) ଲାଗି ୪୮୫ଟି ଆପାର୍ଟମେଣ୍ଟ ନିର୍ମାଣ ଯୋଜନା ମଧ୍ୟ ରଖିଛି। ୨୦୨୪ ସୁଦ୍ଧା ପ୍ରକଳ୍ପ କାମ ସାରିବା ଅବଧି ରହିଥିବା ବେଳେ ଏହା ଧାର୍ଯ୍ୟ ସମୟର ୬ ମାସ ଆଗରୁ ସାରିବାକୁ ଲକ୍ଷ୍ୟ ରଖାଯାଇଛି ବୋଲି ଶ୍ରୀବାସ୍ତବ କହିଛନ୍ତି।
ଟେକ୍ନୋଲୋଜିକୁ ଏବେ କମ୍ପାନୀ ଅଗ୍ରାଧିକାର ଦେଉଛି। ଏହା ଅତ୍ୟାଧୁନିକ ଆଲୁମିନିୟମ ଓ୍ବାର୍କ ସଟରିଂ (ମିଭାନ ଟେକ୍ନୋଲୋଜି)କୁ ବର୍ତ୍ତମାନ କାର୍ଯ୍ୟକାରୀ କରାଇଛି। ତ୍ୱରିତ ଏବଂ ଗୁଣାତ୍ମକ ନିର୍ମାଣ ଲାଗି ଓଡ଼ିଶାରେ ଏଭଳି ଟେକ୍ନୋଲୋଜି ପ୍ରଥମ ଥର ଲାଗି ବ୍ୟବହାର କରାଯିବ ବୋଲି ସେ ସ୍ପଷ୍ଟ କରିଛନ୍ତି।
ଏହି ଟେକ୍ନୋଲୋଜିର ସ୍ବତନ୍ତ୍ର ବିଶେଷତା ରହିଛି। କାନ୍ଥ, ଛାତ, ସ୍ଲାବ୍ ସହ ଗୋଟିଏ ଚଟାଣର ଦୃଢ଼ ନିର୍ମାଣ ସାଙ୍ଗକୁ ସମ୍ପୂର୍ଣ୍ଣ କରିବାକୁ ୭ରୁ ୧୦ ଦିନର ଅବଧି ଲାଗିଥାଏ। ଏଭଳି ନିର୍ମାଣରେ ପ୍ଲାଷ୍ଟରର ଆବଶ୍ୟକତା ପଡେନାହିଁ। ଉତ୍ତମ ଗୁଣବତ୍ତା ସାଙ୍ଗକୁ ଛାତର ସ୍ଥିରତା, ପରିବେଶ ଅନୁକୂଳ ଏବଂ ଉଚ୍ଚସ୍ତରୀୟ ଏନର୍ଜି ଦକ୍ଷତା ମଧ୍ୟ ଏଥିରେ ରହିଛି। ସୂଚନାଯୋଗ୍ୟ, ୨୦୦୭ରୁ ଆସୋଟେକ୍ ଗ୍ରୁପ୍ ଭୁବନେଶ୍ୱରରେ ଉପସ୍ଥିତି ଜାହିର କରି ଆସିଛି। ଗତ ୧୪ ବର୍ଷ ମଧ୍ୟରେ ଏହା ଅଭିନବ ଉତ୍ପାଦ ଏବଂ ଡିଜାଇନ ଆଣିବା ଦିଗରେ କାର୍ଯ୍ୟକ୍ରମ ଜାରି ରଖିଛି। ଏହାବାଦ ନିଯୁକ୍ତି ସୃଷ୍ଟି ତଥା ରାଜ୍ୟର ବିକାଶ ଦିଗରେ ଯୋଗଦାନ ଜାରି ରଖିଛି।
