ହାଙ୍ଗଝୋ,୧।୧୦ : ଏସିଆନ ଗେମ୍ସରେ ଶୁଟିଂରେ ଭାରତର ଉତ୍କୃଷ୍ଟ ପ୍ରଦର୍ଶନ ଜାରି ରହିଛି। ଖେଳର ଅଷ୍ଟମ ଦିନରେ ଭାରତ ଗୋଟିଏ ସ୍ବର୍ଣ୍ଣ ଏବଂ ଗୋଟିଏ ରୌପ୍ୟ ଜିତିଛି। ରବିବାର ପୁରୁଷ ଦଳ ସ୍ବର୍ଣ୍ଣ ପଦକକୁ ଟାର୍ଗେଟ କରିଥିଲେ। ଯେଉଁଠାରେ ମହିଳା ଦଳ ରୌପ୍ୟ ପଦକ ଜିତିଥିଲେ। ବର୍ତ୍ତମାନର ଏସୀୟ ଗେମ୍ସର ଶୁଟିଂରେ ଭାରତ ପାଇଁ ଏହା ହେଉଛି ୨୧ ତମ ପଦକ। ସେଥିମଧ୍ୟରୁ ସାତଟି ସ୍ବର୍ଣ୍ଣ, ନଅଟି ରୌପ୍ୟ ଏବଂ ପାଞ୍ଚଟି ବ୍ରୋଞ୍ଜ ପଦକ ରହିଛି।
କିନାନ ଚେନାଇ, ଜୋରୱାର ସିଂ ଏବଂ ପୃଥ୍ବୀରାଜ ଟୋଣ୍ଡିମାନଙ୍କ ପୁରୁଷ ଟ୍ରାପ ଦଳ ଏସୀୟ ଗେମ୍ସରେ ଏକ ରେକର୍ଡ ଭାଙ୍ଗି ସ୍ବର୍ଣ୍ଣ ପଦକ ଜିତିଛନ୍ତି। ସମସ୍ତେ ମିଶି କୁଏତ ଏବଂ ଚାଇନା ଦଳକୁ ପରାସ୍ତ କରିଥିଲେ। କିନାନ ଚେନାଇ, ଜୋରୱାର ସିଂ ଏବଂ ପୃଥ୍ବୀରାଜ ଟୋଣ୍ଡିମାନ ୩୬୧ ସ୍କୋର କରି ସ୍ବର୍ଣ୍ଣ ପଦକ ଜିତିଥିଲେ। ଏସିଆନ ଗେମ୍ସରେ ଟ୍ରାପ ଶୁଟିଂରେ ଏକ ଦଳ ଦ୍ୱାରା ଏହା ସର୍ବାଧିକ ସ୍କୋର। କୁଏତକୁ ରୌପ୍ୟ ଏବଂ ଚାଇନାକୁ ବ୍ରୋଞ୍ଜରେ ସନ୍ତୁଷ୍ଟ କରିବାକୁ ପଡିଛି।
