ଜୟପୁର,୩।୧୨: ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ରାଜ ଭବନରେ ପହଞ୍ଚି ଅପରାହ୍ନ ୫ଟା ୩୦ରେ ରାଜ୍ୟପାଳଙ୍କୁ ଭେଟି ତାଙ୍କ ଇସ୍ତଫା ପତ୍ର ଦାଖଲ କରିବେ। ଭାରତୀୟ ଜନତା ପାର୍ଟି(ଭାଜପା) ରାଜସ୍ଥାନରେ ବିଜୟ ଆଡକୁ ଗତି କରୁଥିବା ଜଣାପଡିଛି। ଟ୍ରେଣ୍ଡରେ ଏହା କଂଗ୍ରେସଠାରୁ ବହୁ ଆଗରେ ଅଛି ଏବଂ ସଂଖ୍ୟାଗରିଷ୍ଠତା ଅତିକ୍ରମ କରିଛି। ଏଭଳି ପରିସ୍ଥିତିରେ ବର୍ତ୍ତମାନର କଂଗ୍ରେସ ସରକାର ଭାଙ୍ଗିଯିବ ବୋଲି ଏବେ ନିଶ୍ଚିତ ହୋଇଛି। ଟ୍ରେଣ୍ଡକୁ ଦେଖି ଭାଜପା କ୍ୟାମ୍ପରେ ରାଜ ତିଳକ ପାଇଁ ପ୍ରସ୍ତୁତି ଚାଲିଥିବାବେଳେ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ରାଜ୍ୟପାଳ କଲରାଜ ମିଶ୍ରଙ୍କୁ ଭେଟି ତାଙ୍କ ଇସ୍ତଫା ପତ୍ର ଦାଖଲ କରିବେ।
ଅନ୍ୟପକ୍ଷରେ, ଫଳାଫଳକୁ ଦେଖିବା ପରେ କଂଗ୍ରେସ ଶିବିରରେ ନିରାଶ ଛାଇ ଯାଇଥିବାବେଳେ ଅନ୍ୟପଟେ ଭାଜପା କର୍ମୀଙ୍କ ମଧ୍ୟରେ ବହୁତ ଉତ୍ସାହ ରହିଛି। କର୍ମୀମାନେ ଢୋଲ ସହିତ ଉତ୍ସବ ପାଳନ କରୁଥିବା ଏବଂ ଜୟପୁରରେ ପରସ୍ପରକୁ ମିଠା ଖୁଆଉଥିବା ଦେଖିବାକୁ ମିଳିଥିଲା। ସୂଚନାଯୋଗ୍ୟ, ୧୦ଟି ଏକଜିଟ ପୋଲ ମଧ୍ୟରୁ ୬ଟି ରାଜସ୍ଥାନରେ ଭାଜପାର ବିଜୟର ପୂର୍ବାନୁମାନ କରିଛି। ଏଥି ସହିତ, ଏକଜିଟ ପୋଲ ପୂର୍ବାନୁମାନର ବିପରୀତ, ଶନିବାର ସାରେ ମୁଖ୍ୟମନ୍ତ୍ରୀ ଗେହଲୋଟ କଂଗ୍ରେସ ପାଇଁ ସ୍ପଷ୍ଟ ସଂଖ୍ୟାଗରିଷ୍ଠତା ଦାବି କରିଥିଲେ, କିନ୍ତୁ ରବିବାର ଭୋଟ ଗଣତି ଆରମ୍ଭ ହେବା ମାତ୍ରେ ଫଳାଫଳ ଭିନ୍ନ ମନେ ହେଉଥିଲା ଏବଂ କଂଗ୍ରେସ ପଛରେ ପଡିଥିଲା।
