ଇସଲାମାବାଦ,୮।୨: ପାକିସ୍ତାନରେ ସାଧାରଣ ନିର୍ବାଚନ ପାଇଁ ମତଦାନ ଗୁରୁବାର ଶେଷ ହେବା ପରେ ଭୋଟ ଗଣତି ଆରମ୍ଭ ହୋଇଛି। ଆତଙ୍କବାଦୀ ଆକ୍ରମଣକୁ ରୋକିବା ପାଇଁ ସରକାର ମୋବାଇଲ ଏବଂ ଇଣ୍ଟରନେଟ ସେବାକୁ ସ୍ଥଗିତ ରଖିଥିବାରୁ ଏହି ସମୟ ମଧ୍ୟରେ ସଂଯୋଗ ସମସ୍ୟା ରହିଥିଲା। ସକାଳ ୮ଟାରୁ ମତଦାନ ଆରମ୍ଭ ହୋଇ ସା ୫ଟା ପର୍ଯ୍ୟନ୍ତ ଚାଲିଥିଲା। ଏଥିରେ ଅଂଶଗ୍ରହଣ କରିବାକୁ ପ୍ରାୟ ୧୨ କୋଟି ପଞ୍ଜୀକୃତ ଭୋଟରଙ୍କ ପାଇଁ ଦେଶବ୍ୟାପୀ ସାଧାରଣ ଛୁଟି ଘୋଷଣା କରାଯାଇଥିଲା। ଭୋଟ ଶେଷରେ ବାଧ୍ୟତାମୂଳକ ଏକ ଘଣ୍ଟିଆ ପ୍ରତିବନ୍ଧକ ଅବଧି ପରେ ଭୋଟ ଗଣନା ଆରମ୍ଭ ହେବା ସହିତ ବିଭିନ୍ନ ମତଦାନ କେନ୍ଦ୍ରରୁ ଫଳାଫଳ ଆସିବା ଆରମ୍ଭ କରିଛି। କିନ୍ତୁ ଯେକୌଣସି ନିର୍ବାଚନମଣ୍ଡଳୀର ସମ୍ପୂର୍ଣ୍ଣ ଫଳାଫଳ ଜାଣିବା ପାଇଁ କିଛି ଘଣ୍ଟା ଲାଗିପାରେ।
ପାକିସ୍ତାନର ପ୍ରାରମ୍ଭିକ ଗଣତିରେ ଇମ୍ରାନ ଖାନ ସମର୍ଥକମାନେ ଆଗୁଆ ଅଛନ୍ତି। ୨୬୫ ଆସନ ମଧ୍ୟରୁ ୧୭୭ ଟି ଆସନର ଫଳାଫଲ ସାମ୍ନାକୁ ଆସୁଛି, ଯେଉଁଥିରେ ପିଟିଆଇ ୧୧୧ ଟି ଆସନରେ, ୪୨ ଟିରେ ପିଏମଏଲ ଏବଂ ପିପିପି ୨୪ଟି ସିଟରେ ଆଗରେ ରହିଛି।
ପାକିସ୍ତାନର ଆଭ୍ୟନ୍ତରୀଣ ମନ୍ତ୍ରଣାଳୟ କହିଛି ଯେ ଭୋଟ ଗଣନା ଜାରି ରହିଥିବାରୁ ସେଲୁଲାର୍ ସେବା ଆଂଶିକ ପୁନଃ ସ୍ଥାପିତ ହୋଇଛି।
