ମୁମ୍ବାଇ: ଅଭିନେତା ଅର୍ଜୁନ ରାମପାଲ ଏବଂ ତାଙ୍କ ପ୍ରେମିକା ଗାବ୍ରିଏଲା ସେମାନଙ୍କର ଦ୍ୱିତୀୟ ସନ୍ତାନକୁ ସ୍ବାଗତ କରିବାକୁ ଯାଉଛନ୍ତି। ନିକଟରେ ଗାବ୍ରିଏଲା ପ୍ରେଗ୍ନାନ୍ସି ସମୟର ଫଟୋଶୁଟ୍ କରିଛନ୍ତି। ଏହି ସମୟର ଫଟୋ ଶେୟାର କରି ପ୍ରଶଂସକମାନଙ୍କୁ ସେ ଗର୍ଭବତୀ ଥିବା ସମ୍ପର୍କରେ ସୂଚନା ଦେଇଛନ୍ତି। ଏକ ଗାଉନରେ ଫ୍ୟାଶନ ଡିଭାଙ୍କ ବେବି ବମ୍ପ ବି ଦେଖିବାକୁ ମିଳିଛି। ଗାବ୍ରିଏଲା ତାଙ୍କ ଇନ୍ଷ୍ଟାଗ୍ରାମରେ ଫଟୋ ଶେୟାର କରି ଏଥିରେ କ୍ୟାପଶନ ଲେଖିଛନ୍ତି, ବାସ୍ତବତା ନା ଏଆଇ? ଏଥିରେ ଅର୍ଜୁନ ରାମପାଲ ହାର୍ଟ ଏବଂ ଲାଜ ଇମୋଜି ଦେଇଛନ୍ତି। ଅନ୍ୟମାନଙ୍କ ମଧ୍ୟରେ ଆମି ଜ୍ୟାକ୍ସନ, ଦିବ୍ୟା ଦତ୍ତ, କାଜଲ ଅଗ୍ରଓ୍ବାଲଙ୍କ ସମେତ ବଲିଉଡ୍ ଇଣ୍ଡଷ୍ଟ୍ରିର ଅନେକ ସେଲିବ୍ରିଟି ଶୁଭେଚ୍ଛା ଜଣାଇଛନ୍ତି।
କହିରଖୁଛୁ, ଆଇପିଏଲ୍ ସମୟରେ ଗାବ୍ରିଏଲା ଏବଂ ଅର୍ଜୁନଙ୍କ ମଧ୍ୟରେ ସାକ୍ଷାତ ହୋଇଥିଲା। ପରେ ଦୁହିଁଙ୍କ ବନ୍ଧୁତା ଧିରେ ଧିରେ ବଢ଼ି ପ୍ରେମରେ ରୂପାନ୍ତରିତ ହୋଇଥିଲା। ଦୁହେଁ ଲିଭ୍-ଇନ୍ରେ ରହୁଛନ୍ତି। ୨୦୧୯ରେ ତାଙ୍କର ଏକ ପୁତ୍ର ସନ୍ତାନ ମଧ୍ୟ ହୋଇଛି। ବିବାହ ନ କରି ମଧ୍ୟ ଦୁହେଁ ମାତାପିତା ହେବାର ସୌଭାଗ୍ୟ ଅର୍ଜନ କରିଛନ୍ତି।
