ବର୍ଷାଦିନେ ସାଧାରଣତଃ କୀଟପତଙ୍ଗଙ୍କ ସଂଖ୍ୟା ବହୁ ଅଧିକ ହୋଇଯାଇଥାଏ। ତେବେ ଘର ଭିତରେ ଏମାନଙ୍କ ପ୍ରବେଶ ରୋକିବାକୁ ଚାହୁଁଥିଲେ ଜାଣିରଖନ୍ତୁ କିଛି ଘରୋଇ ଉପାୟ।
କୀଟପତଙ୍ଗଙ୍କ ପ୍ରବେଶ ବନ୍ଦ କରିବାକୁ ଚାହୁଁଥିଲେ କର୍ପୂର ଜଳାଇ ରଖନ୍ତୁ। କର୍ପୂର ଗନ୍ଧରେ କୀଟପତଙ୍ଗମାନେ ରହି ନ ଥାନ୍ତି। ଏମିତିକି କର୍ପୂର ଧୂଆଁର ଗନ୍ଧରେ ମଶା ମଧ୍ୟ ରହି ନ ଥାନ୍ତି।
ସୋଡ଼ା ମଧ୍ୟ ପିମ୍ପୁଡ଼ି ତଥା ବିଭିନ୍ନ ପ୍ରକାର କୀଟପତଙ୍ଗକୁ ରୋକିଥାଏ। ଏଥିପାଇଁ ବେକିଂ ସୋଡ଼ାକୁ ଅଟାରେ ମିଶାଇ ଛୋଟ ଛୋଟ ଗୁଳାକରି ଦିଅନ୍ତୁ। ଏହି ଗୁଳାକୁ ଘରର ବିଭିନ୍ନ କୋଣରେ ଲଗାଇ ଦିଅନ୍ତୁ। ଏପରି କଲେ ପିମ୍ପୁଡ଼ି ଓ ଅସରପା ଆସିବେ ନାହିଁ।
ପ୍ରକାର ଏସେନ୍ସିଆଲ ଅଏଲ୍ ମଧ୍ୟ କୀଟପତଙ୍ଗ ଦୂର କରିବାରେ ସହାୟକ ହୋଇଥାଏ। କାରଣ ଏସେନ୍ସିଆଲ୍ ଅଏଲ୍ର ଗନ୍ଧକୁ କୀଟପତଙ୍ଗମାନେ ସହ୍ୟ କରିପାରନ୍ତି ନାହିଁ। ତେଣୁ ପାଣିରେ ମିଶାଇ ଏହାକୁ ଘରେ ସ୍ପ୍ରେ କରନ୍ତୁ ଓ ଘର ପୋଛିବା ସମୟରେ ପାଣିରେ ପକାଇ ଦିଅନ୍ତୁ।
ପୋକ ନ ହେବା ପାଇଁ ନିମ୍ବପତ୍ର ମଧ୍ୟ ବେଶ୍ ଉପକାରୀ। ଘରେ ନିମ୍ବପତ୍ର ଧୂଆଁ କଲେ ପୋକ ଆସି ନ ଥାନ୍ତି। ନିମ୍ବତେଲ ମଧ୍ୟ ଏଥିପାଇଁ ଅତ୍ୟନ୍ତ ଫଳପ୍ରଦ ସାବ୍ୟସ୍ତ ହୋଇଥାଏ।
ଯଦି ପୋକ ପଶିଥାନ୍ତି ତେବେ ବେକିଂ ସୋଡ଼ା ଓ ଲେମ୍ବୁରସ ମିଶାଇ ସ୍ପ୍ରେ କରନ୍ତୁ। ବାଥ୍ରୁମ୍, ରୋଷେଇଘର ଓ ଅନ୍ୟ ପ୍ରବେଶ ପଥରେ ଥିବା କବାଟରେ ଏହାକୁ ସ୍ପ୍ରେ କରନ୍ତୁ। ପୋକ ଆସିବେ ନାହିଁ।
