ନୂଆଦିଲ୍ଲୀ/ଓ୍ବାଶିଂଟନ,୨୪।୯: ଆମେରିକୀୟ ଗସ୍ତରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ବଦେଶ ଫେରିଛନ୍ତି। ଆମେରିକାରେ ପ୍ରଧାନମନ୍ତ୍ରୀ ମୋଦି ରାଷ୍ଟ୍ରପତି ଜୋ ବାଇଡେନ ଏବଂ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କିଙ୍କୁ ଭେଟିଥିଲେ। ଏହି ସମୟରେ, ଭାରତରେ ଆମେରିକାର ରାଷ୍ଟ୍ରଦୂତ ଏରିକ ଗାରସେଟ୍ଟି ଆମେରିକାର ଭାରତ ସହ ବନ୍ଧୁତାକୁ ନେଇ ଏକ ବଡ଼ ଦାବି କରିଛନ୍ତି।
ଆମେରିକାର ରାଷ୍ଟ୍ରଦୂତ ଏରିକ ଗାର୍ସେଟ୍ଟୀ କହିଛନ୍ତି ଯେ ଆମେରିକା ଭାରତକୁ ଏକ ବନ୍ଧୁ ଏବଂ ସାଥୀ ଭାବରେ ଦେଖେ, ନୁହେଁକି ଅନ୍ୟ କୌଣସି ଦେଶ ପାଇଁ ପ୍ରତିଦ୍ୱନ୍ଦ୍ୱି ଭାବେ ଦେଖେ। ସେ କହିଛନ୍ତି ଯେ ଉଭୟ ଦେଶ ସୀମା, ସାର୍ବଭୌମତ୍ୱ ଏବଂ ଆଇନର ଶାସନ ନୀତି ବାଣ୍ଟୁଛନ୍ତି।
ଏଏନଆଇକୁ ଦେଇଥିବା ଏକ ସାକ୍ଷାତକାରରେ ଏରିକ ଗାରସେଟ୍ଟି ଜୋର ଦେଇଛନ୍ତି ଯେ ଯେତେବେଳେ ବି ସୀମା ବିବାଦ ଦେଖାଦେଇଛି, ଆମେରିକା ଭାରତ ପାଖରେ ଛିଡା ହୋଇଛି ଏବଂ ଚାଇନା ସହିତ ଭାରତର କୂଟନୈତିକ ଆଲୋଚନାକୁ ସମର୍ଥନ କରୁଛି। ସେ କହିଛନ୍ତି ଯେ ଯେତେବେଳେ ଚାଇନା କଥା ଆସେ, ଆମେ ସମସ୍ତେ ଚାଇନା ସହିତ ଶାନ୍ତିପୂର୍ଣ୍ଣ ସମ୍ପର୍କ ସ୍ଥାପନ କରିବାକୁ ଚାହୁଁ।
ଏହି ସମୟରେ ଭାରତରେ ଆମେରିକାର ରାଷ୍ଟ୍ରଦୂତ ଚାଇନାର ନାମ ନ ନେଇ କହିଛନ୍ତି ଯେ ଆମେରିକା ଚାହୁଁଛି ଯେ ଦେଶଗୁଡ଼ିକ ବିକଳ୍ପ ପାଇପାରିବେ ଏବଂ ଋଣ ଜାଲରେ ଫସିଯିବେ ନାହିଁ। ଯଦିଓ ଏରିକ ଗାରସେଟ୍ଟି ଚାଇନାର ନାମ ନେଇ ନାହାଁନ୍ତି, ତଥାପି ସେ ଡ୍ରାଗନ ବିଷୟରେ କହୁଥିଲେ। ସୂଚନାଯୋଗ୍ୟ ଯେ ଚାଇନା ଭାରତର ସମସ୍ତ ପଡୋଶୀ ଦେଶ ପାକିସ୍ଥାନ, ଶ୍ରୀଲଙ୍କା, ନେପାଳ, ମାଲଦ୍ୱୀପ ପରି ଋଣ ଜାଲରେ ଫସିଛି।
