ମୁମ୍ବାଇ: ବଲିଉଡର ଦିଭା ଅନନ୍ୟା ପାଣ୍ଡେ ଡେଟିଂ ବ୍ୟତୀତ ଏବେ ଆଉ କିଛି କାରଣକୁ ନେଇ ବି ହେଡଲାଇନରେ ରହୁଛନ୍ତି। ଏହି ଅଭିନେତ୍ରୀ ସୋସିଆଲ ମିଡିଆରେ ଖୁବ ସକ୍ରିୟ। ବିଶେଷକରି ଅନନ୍ୟା ପାଣ୍ଡେଙ୍କର ଗୋଟିଏ ଇନଷ୍ଟା ପୋଷ୍ଟ ଶୀଘ୍ର ଭାଇରାଲ ହୁଏ। ନିକଟରେ ଅଭିନେତ୍ରୀ ତାଙ୍କ ପ୍ରେମିକ ଆଦିତ୍ୟ ରୟ କାପୁରଙ୍କୁ ଜନ୍ମଦିନରେ ଶୁଭକାମନା ଜଣାଇ ଆସିଥିଲେ ଚର୍ଚ୍ଚାକୁ। ଏଠାରେ ଅନନ୍ୟାଙ୍କ ଲାଟେଷ୍ଟ ପୋଷ୍ଟ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଛି। ଅଭିନେତ୍ରୀ କିଛି ଫଟୋ ଶେୟାର କରି କହିଥିଲେ ଯେ ସେ ସାପକୁ ବହୁତ ପସନ୍ଦ କରନ୍ତି। ଫଟୋଗୁଡ଼ିକରେ ଅନନ୍ୟା ତାଙ୍କ ହାତରେ ପାଇଥନ ବା ଅଜଗର ପରି ବିଷଧର ସାପ ସହିତ ଖେଳୁଥିବା ନଜର ଆସିଛନ୍ତି।
ଅଭିନେତ୍ରୀ ରବିବାର ଇନଷ୍ଟାଗ୍ରାମରେ କିଛି ଫଟୋ ଶେୟାର କରିଛନ୍ତି। ସେଥିରେ ଅଭିନେତ୍ରୀଙ୍କ ହାତରେ ଏକ ପାଇଥନ ସାପ ଅଛି । ଫଟୋ ଶେୟାର କରିବାବେଳେ ସେ ସାପକୁ ତାଙ୍କର ପ୍ରିୟ ପଶୁ ବୋଲି କହିଛନ୍ତି। ଫଟୋ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ଅନନ୍ୟା ଏକ କମଳା ରଙ୍ଗର ମିନି ଡ୍ରେସ ପିନ୍ଧିଛନ୍ତି। ଅଫ ସୋଲଡର ପୋଷାକରେ ଅଭିନେତ୍ରୀ ବହୁତ ସୁନ୍ଦର ଦେଖାଯାଉଛନ୍ତି। ହାତରେ ପାଇଥନ ଧରି ସେ ଗୋଟିଏ ପରେ ଗୋଟିଏ ଫଟୋ କ୍ଲିକ କରୁଛନ୍ତି। କ୍ୟାପସନରେ ଅଭିନେତ୍ରୀ ଲେଖିଛନ୍ତି- ‘ମୋ ପାଇଁ ସ୍ବର୍ଗର ପରିଭାଷା … କୁକୁର ଏବଂ ସାପ। ମୋର ଦୁଇଟି ପ୍ରିୟ ଆନିମଲ।
