ମୋହନା, ୨୦।୧( ମନ୍ମଥ ମିଶ୍ର ): ବିଳମ୍ବିତ ରାତିରେ ଦୁର୍ଘଟଣାଗ୍ରସ୍ତ ହେଲା ନମ୍ବର ବିହୀନ ସ୍କର୍ପିଓ ଗାଡ଼ି। ଗଜପତି ଜିଲା ମୋହନା ଥାନା ଚନ୍ଦ୍ରଗିରି ନିକଟ ଡାହାଣୀ ନାଳଠାରେ ଏହି ଦୁର୍ଘଟଣା ଘଟିଛି । ଘଟଣାସ୍ଥଳରୁ ସମସ୍ତ ଯାତ୍ରୀ ନ ଥିବା ଦେଖିବାକୁ ମିଳିଛି। ନିକଟସ୍ଥ ମେଡିକାଲ କିମ୍ବା ପୋଲିସ ଫାଣ୍ଡିରେ ଏନେଇ କୌଣସି ସୂଚନା ନ ଥିବା ଫାଣ୍ଡି ଅଧିକାରୀ କହିଛନ୍ତି । ପାରିପାର୍ଶ୍ୱିକ ସ୍ଥିତିରୁ ଅନୁଧ୍ୟାନ କଲେ ଜଣାପଡୁଛି ଦୁର୍ଘଟଣା ପରେ ଗାଡ଼ିର ନମ୍ବର ବାହାର କରି ନେଇଛନ୍ତି। ଏପରିକି ଏହି ଗାଡ଼ିଟି ପୂର୍ବରୁ ଯେଉଁ ରଙ୍ଗ ଥିଲା, ଏବେ ଏହାକୁ ଧଳା କଲର କରାଯାଇଥିବା ଅନୁମାନ କରାଯାଉଛି । ଗାଡ଼ିଟି କାହାର ଓ କେଉଁଆଡେ ଯାଇଥିଲା କିପରି ଏହି ଦୁର୍ଘଟଣା ହେଲା , ସମ୍ପୂର୍ଣ୍ଣ ଘଟଣା ପୋଲିସ ତଦନ୍ତ ପରେ ହିଁ ଜଣାପଡ଼ିବ। ଘଟଣାସ୍ଥଳରେ ମୋହନା ପୋଲିସ ପହଞ୍ଚି ଗାଡିକୁ ଜବତ କରିବାସହ ଅଧିକ ତଦନ୍ତ କରୁଥିବା ଥାନା ଅଧିକାରୀ ବସନ୍ତ କୁମାର ସେଠୀ କହିଛନ୍ତି ।
