ଅମୃତସର,୨୦ା୪: ପଳାତକ ଖଲିସ୍ତାନୀ ନେତା ଅମ୍ରିତ୍ପାଲ ସିଂଙ୍କ ସ୍ତ୍ରୀ କିରନଦୀପ୍ କୌର ଗୁରୁବାର ବିମାନ ଯୋଗେ ଲଣ୍ଡନ ପଳାଇଯିବାକୁ ଉଦ୍ୟମ କରୁଥିଲେ। ସେତିକିବେଳେ ଇମିଗ୍ରେଶନ ଅଧିକାରୀମାନେ ତାଙ୍କୁ ଅମୃତସରର ଶ୍ରୀଗୁରୁ ରାମଦାସ ଅନ୍ତର୍ଜାତୀୟ ବିମାନବନ୍ଦରରେ ଅଟକ ରଖି ଜେରା କରୁଛନ୍ତି।
ବ୍ରିଟେନ ଏନ୍ଆର୍ଆଇ କୌରଙ୍କୁ ଅମ୍ରିତ୍ପାଲ ଗତ ଫେବୃୟାରୀ ୧୦ରେ ବିବାହ କରିଥିଲେ। ଅମୃତସରର ବାବା ବକଲାସ୍ଥିତ ଗୁରୁଦ୍ୱାରାରେ ହୋଇଥିବା ଏହି ବିବାହ ଉତ୍ସବରେ ଅଳ୍ପ କେତେଜଣ ପରିବାର ସଦସ୍ୟ ସାମିଲ ହୋଇଥିଲେ। ଖଲିସ୍ତାନୀ ନେତାଙ୍କୁ ଧରିବା ପାଇଁ ପଞ୍ଜାବ ପୋଲିସର ବ୍ୟାପକ ଚଢ଼ାଉ ସତ୍ତ୍ୱେ ସେ ଖସି ଯିବାରେ ସକ୍ଷମ ହୋଇଥିଲେ।
