ନୂଆଦିଲ୍ଲୀ,୬।୭: ଇ-କମର୍ସ ସଂସ୍ଥା ଆମାଜନ ମଙ୍ଗଳବାର ବଡ଼ ଭୁଲକୁ ଘଣ୍ଟାକ ମଧ୍ୟରେ ସୁଧାରିଛି। ଏକ ତୋଶିବା ୧.୮ ଟନ ଏୟାର କଣ୍ଡିଶନ (ଏସି)ର ମୂଲ୍ୟ ୯୦,୮୦୦ ଟଙ୍କା ବଦଳରେ ସେଲିଂ ପ୍ରାଇସ୍ ୫,୯୦୦ ଟଙ୍କା ଉଲ୍ଲେଖ କରିଥିଲା। ଏହି ଏସିର ପ୍ରକୃତ ମୂଲ୍ୟ ମାର୍କେଟରେ ୯୬,୭୦୦ ଟଙ୍କା। କିନ୍ତୁ ଆମାଜନ ଭୁଲବଶତଃ ଏହା ଉପରେ ୯୪ ପ୍ରତିଶତ ଛାଡ଼ ଦେଇଥିଲା ବୋଲି ଏକ ରିପୋର୍ଟରେ ଦର୍ଶାଇଛି।
ଅଫର ବାବଦକୁ ୫,୯୦୦ ଟଙ୍କା ଛାଡ଼ ପରେ ଉକ୍ତ ଏସିକୁ ୯୦,୮୦୦ ଟଙ୍କାରେ ବିକିବା ଉଦ୍ଦେଶ୍ୟରେ ଥିଲା ଆମାଜନ। କିନ୍ତୁ କିଛି ସମୟ ପାଇଁ ଆଇଟଏମ୍ର ମୂଲ୍ୟ ୫,୯୦୦ ଟଙ୍କା ଉଲ୍ଲେଖ କରାଯାଇଥିଲା। ତେବେ ଏହି ମୂଲ୍ୟରେ ତୋଶିବା ୨୦୨୧ ଏସି ଅର୍ଡର କରିଥିବା ଗ୍ରାହକଙ୍କୁ ଏହା ମିଳିବ କି ନାହିଁ କମ୍ପାନୀ ପକ୍ଷରୁ କୁହାଯାଇ ନାହିଁ। ତେବେ ଭୁଲ ଜଣା ପଡ଼ିବା ପରେ କମ୍ପାନୀ ପକ୍ଷରୁ ସେଲିଂ ପ୍ରାଇସ୍ ଓ ଅଫରରେ ପରିବର୍ତ୍ତନ କରାଯାଇଛି।
