ଭୁବନେଶ୍ୱର,୪।୯ (ଅଭୟ ଦାଶ): ଟିଭିଏସ୍ ମୋଟର କମ୍ପାନୀର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ଅଲ୍ ନ୍ୟୁ ଟିଭିଏସ୍ ଜୁପିଟର ୧୧୦ର ସର୍ବଭାରତୀୟ ଅନାବରଣ (ଉନ୍ମୋଚନ) ନିକଟରେ ହୋଇଯାଇଛି। ଏହି ପରିପ୍ରେକ୍ଷୀରେ କମ୍ପାନୀର ଓଡ଼ିଶା ୟୁନିଟ୍ ପକ୍ଷରୁ ଘରୋଇ ବଜାରରେ ଏହାର ଅନାବରଣ ସହ ବଜାର ପ୍ରବେଶ କାର୍ଯ୍ୟକ୍ରମ ମଙ୍ଗଳବାର ଭୁବନେଶ୍ୱରଠାରେ ଅନୁଷ୍ଠିତ ହୋଇଯାଇଛି। ଉଲ୍ଲେଖଯୋଗ୍ୟ, ଟିଭିଏସ୍ ଜୁପିଟର ୧୧୦ ରେ ୧୧୩.୩ ସିସି, ସିଙ୍ଗିଲ ସିଲିଣ୍ଡର, ୪ଷ୍ଟ୍ରୋକ୍ ଇଞ୍ଜିନ ଆଦି ରହିଛି, ଯାହା ୫.୯ କିଲୋୱାଟ୍ ଶକ୍ତି ଓ ୯.୮ ଏନ୍ଏମ୍ ଟର୍କ ଉତ୍ପନ୍ନ କରୁଛି।
ସେହିଭଳି ଆଇ-ଗୋ ଆସିଷ୍ଟ ପ୍ରଯୁକ୍ତି ପାଇଁ ଏହାର ପୂର୍ବ ମଡେଲ ତୁଳନାରେ ଏଥିରେ ମାଇଲେଜରେ ୧୦%ବୃଦ୍ଧି ହୋଇଛି। ଏଥିରେ ଇଣ୍ଟେଲିଜେଣ୍ଟ ଇଗ୍ନିସନ ଓ ସ୍ବୟଂକ୍ରିୟ ଷ୍ଟାର୍ଟ-ଷ୍ଟପ୍ ସୁବିଧା ଓ ଇଣ୍ଟ୍ରିଗ୍ରେଟେଡ ଷ୍ଟାର୍ଟର ଜେନେରେଟର ଭଳି ଅନେକ ସୁବିଧା ସାମିଲ ରହିଛି। ବିଶେଷକରି ଏହାର ସାମ୍ନାରେ ବଡ଼ ଇନ୍ଧନ ଟାଙ୍କି, ଲମ୍ବା ସିଟ, ଗୋଡ଼ ରଖିବା ଲାଗି ଅଧିକ ସ୍ଥାନ ଓ ବଡି ବାଲାନ୍ସ ପ୍ରଯୁକ୍ତି ଆରାମକୁ ବଢ଼ାଉଥିବା ବେଳେ ସୁରକ୍ଷା ବ୍ୟବସ୍ଥା ଦୃଷ୍ଟିରୁ ଏଥିରେ ଦୁଇଟି ହେଲ୍ମେଟ୍ ରଖିବା ପାଇଁ ଉପଯୁକ୍ତ ସ୍ଥାନ,ମେଟାଲ ମ୍ୟାକ୍ସ ବଡି, ଫଲୋ ମି ହେଡ୍ଲ୍ୟାମ୍ପ, ଟର୍ନ ସିଗ୍ନାଲ ଲ୍ୟାମ୍ପ ରେଷ୍ଟ, ଜରୁରିକାଳୀନ ବ୍ରେକିଂ ପାଇଁ ସତର୍କ ସୂଚନା ଆଦି ସାମିଲ ରହିଛି।
ଅଲ୍ ନ୍ୟୁ ଟିଭିଏସ୍ ଜୁପିଟର ୧୧୦ ସ୍କୁଟର ଡ୍ରମ୍, ଡ୍ରମ୍ ଆଲୟ, ଡ୍ରମ୍ ଏସ୍ଏକ୍ସସି ଓ ଡିସ୍କ ଏସ୍ଏକ୍ସସି ଭଳି ଚାରିଟି ଭାରିଆଣ୍ଟରେ ଉପଲବ୍ଧ। ଏପରିକି ଡନ୍ ବ୍ଲୁ ମ୍ୟାଟ, ଗାଲାଟିକ କପର ମ୍ୟାଟ, ଟାଇଟାନିୟମ ଗ୍ରେ ମ୍ୟାଟ, ଷ୍ଟାରଲାଇଟ ବ୍ଲୁ ମ୍ୟାଟ, ଲୁନାର ହ୍ବାଇଟ ଗ୍ଲସ୍ ଓ ମେଟେଓର ରେଡ୍ ଗ୍ଲସ୍ ରଙ୍ଗରେ ଉପଲବ୍ଧ ହେଉଥିଲାବେଳେ ଏହାର ବଜାର ଦର (ଏକ୍ସ ଶୋ’ରୁମ୍ ମୂଲ୍ୟ ଓଡ଼ିଶା) ୭୮,୬୦୦ ଟଙ୍କାରୁ ଆରମ୍ଭ ହେଉଛି।
ଏ ସମ୍ପର୍କରେ ଟିଭିଏସ୍ ମୋଟର କମ୍ପାନୀର ବରିଷ୍ଠ ଉପସଭାପତି ତଥା କମ୍ୟୁଟର ବିଜ୍ନେସ୍ ଏବଂ କର୍ପୋରେଟ ବ୍ରାଣ୍ଡ୍ ଓ ମିଡିଆ ମୁଖ୍ୟ ଅନିରୁଦ୍ଧ ହାଲ୍ଦାର କହିଥିଲେ, ଗତ ଦଶନ୍ଧି ମଧ୍ୟରେ ଟିଭିଏସ୍ ସ୍କୁଟର ପୋର୍ଟଫାଲିଓରେ ଟିଭିଏସ୍ ଜୁପିଟର ୧୧୦ ଅଗ୍ରିମ ସ୍ଥାନ ଅଧିକାର କରିଛି। ଏପରିକି ଗତ କିଛି ବର୍ଷ ମଧ୍ୟରେ ୬.୫ନିୟୁତ ପରିବାର ଏହା ଉପରେ ଭରସା ପ୍ରକଟ କରିଛନ୍ତି, ଯାହା ଏହାକୁ ଭାରତର ଅନ୍ୟତମ ବୃହତ୍ ଅଟୋମୋଟିଭ ବ୍ରାଣ୍ଡ୍ରେ ପରିଣତ କରିଛି। ସେହିପରି ସମ୍ପୂର୍ଣ୍ଣ ନୂଆ ଟିଭିଏସ୍ ଜୁପିଟରରେ ‘ଜ୍ୟାଦା କା ଫାଏଦା’ର ମୂଳମନ୍ତ୍ରକୁ ଆହୁରି ଦୃଢ଼ କରାଯାଇଛି।
