ପାଟଣା,୨୦ା୫(ବୀର କିଶୋର ଦାଶ): ଔଷଧ ବ୍ୟବସାୟୀ ସଂଘ ପକ୍ଷରୁ ବନ୍ଦ ଡାକରା ଦିଆଯାଇଥିଲା । କେନ୍ଦୁଝର ଜିଲା ପାଟଣା ଓ ସାହାର ପଡ଼ା ବ୍ଲକ୍ ମୁଖ୍ୟାଳୟର ମେଡିସିନ ଦୋକାନ ଗୁଡ଼ିକ ବନ୍ଦ ରହିଛି । ମୁଖ୍ୟତଃ ଅନଲାଇନ୍ ମେଡିସିନ ସପ୍ଲାଇ ଓ କର୍ପୋରେଟ ସଂସ୍ଥା ଗୁଡ଼ିକ ମାତ୍ରାଧିକ ରିହାତି ପ୍ରତିବାଦରେ ଏହି ବନ୍ଦ ଡାକରା ଦିଆଯାଇଛି। ଏହାସହ ପାଟଣା ବ୍ଲକର କେନ୍ଦେଇପଶି, ରାଜନଗର, ତୁରୁମୁଙ୍ଗା, ଖିରେଇଟାଙ୍ଗିରିରେ ଥିବା ସମସ୍ତ ଔଷଧ ଦୋକାନ ଗୁଡ଼ିକ ବିଭିନ୍ନ ଦାବି ନେଇ ବୁଧବାର ବନ୍ଦ ରହିଥିବା ଦେଖିବାକୁ ମିଳିଛି ।
କେବଳ ମେଡିକାଲ କ୍ୟାମ୍ପସରେ ଥିବା ସରକାରୀ ସ୍ବୀକୃତି ପ୍ରାପ୍ତ ମେଡିସିନ ଦୋକାନ ବ୍ୟତୀତ ୯୮ପ୍ରତିଶତ ଔଷଧ ଦୋକାନ ବନ୍ଦ ରହିଥିବାରୁ ରୋଗୀ ଓ ରୋଗୀଙ୍କ ସମ୍ପର୍କୀୟମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଇଥିଲେ । ବିଭିନ୍ନ ଦାବିକୁ ନେଇ ଔଷଧ ବ୍ୟବସାୟୀ ସଂଘ ପକ୍ଷରୁ ଏହି ବନ୍ଦ ଡାକରା ଦିଆଯାଇଥିବା ସୂଚନା ମିଳିଛି।
ବିଶେଷ କରି ଜରୁରୀ କାଳୀନ ଜୀବନ ରକ୍ଷା କାରୀ ଔଷଧ କିଣିବାକୁ ଆସିଥିବା ରୋଗୀ ଓ ସେମାନଙ୍କ ପରିବାର ଲୋକ ନିରାଶ ହୋଇ ଫେରିଯାଇଥିବା ଦେଖିବାକୁ ମିଳିଥିଲା। ଅନ୍ୟ ପକ୍ଷରେ ମେଡିକାଲ କ୍ୟାମ୍ପସରେ ଥିବା ମେଡିସିନ ଦୋକନ୍ ଗୁଡ଼ିକରେ ପ୍ରବଳ ଭିଡ଼ ପରିଲକ୍ଷିତ ହୋଇଥିଲା। କେତେକ ସ୍ଥାନରେ ବନ୍ଦ ସମର୍ଥନରେ ବ୍ୟବସାୟୀମାନେ ପ୍ରତିବାଦ ଜଣାଇଥିଲେ।
