ମୁମ୍ବାଇ: ଦୀର୍ଘ ୨ ବର୍ଷ ପରେ ଚଳିତ ବର୍ଷ ପୁଣିଥରେ ଅମରନାଥ ଯାତ୍ରା ଆରମ୍ଭ ହୋଇଥିବା ବେଳେ ଶହଶହ ଶ୍ରଦ୍ଧାଳୁ ବାବା ବର୍ଫାନିଙ୍କ ଦର୍ଶନ ପାଇଁ ଅମରନାଥ ଯାତ୍ରା କରିଥିଲେ । ହେଲେ ଶୁକ୍ରବାର ସେଠାରେ ହଠତ୍ ବାଦଲଫଟା ବର୍ଷା ହେବା ଫଳରେ ଅତିକମରେ ୧୬ ଜଣ ଶ୍ରଦ୍ଧାଳୁଙ୍କ ମୃତ୍ୟୁ ହେବା ସହ ୪୮ ଜଣ ଆହତ ହୋଇଛନ୍ତି । ଏହାସହ କେତେଜଣ ଏବେବି ପାଣି କାଦୁଅ ଭଧ୍ୟରେ ପୋତି ହୋଇ ପଡିଛନ୍ତି । ଏମାନଙ୍କ ଉଦ୍ଧାର କାର୍ଯ୍ୟ ଜାରି ରହିଛି । ଏହି ଘଟଣା ପରେ ବଲିଉଡ ଖିଲାଡି ବୟ ଅକ୍ଷୟ କୁମାର ଦୁଃଖ ପ୍ରକାଶ କରିବା ସହ ସମସ୍ତ ଶ୍ରଦ୍ଧାଳୁଙ୍କ ପାଇଁ ପ୍ରାର୍ଥନା କରିଛନ୍ତି । ଏହାକୁ ନେଇ ଟୁଇଟ କରି ଅକ୍ଷୟ ଦୁଃଖ ପ୍ରକାଶ କରିଛନ୍ତି ।
ସୂଚନାଯୋଗ୍ୟ, ଅମରନାଥ ଯାତ୍ରାକୁ ନେଇ ଜାତୀୟ ପାଣିପାଗ ବିଭାଗ ପକ୍ଷରୁ ସର୍ବଦା ଚେତାବନୀ ଜାରି କରାଯାଇଥାଏ । ଏଥର ବି ଏଠାରେ ୟେଲୋ ୱାଣ୍ଣିଂ ଜାରି କରାଯାଇଥିଲା । ହେଲେ ଏହା ପରେ ବି ସାଧାରଣ ଅବହେଳାରୁ ୧୬ଶ୍ରଦ୍ଧାଳଙ୍କୁ ଜୀବନ ଯିବା ସହ ଅନେକେ ଆହତ ହୋଇଛନ୍ତି ।
