ନୂଆଦିଲ୍ଲୀ,୨୧।୬ : ଏୟାର ଇଣ୍ଡିଆ ଏୟାରବସ ଏବଂ ବୋଇଙ୍ଗ ସହିତ ପ୍ରାୟ ୭୦ ବିଲିୟନ ଡ଼ଲାର ଅର୍ଥାତ ୫.୪୭ ଲକ୍ଷ କୋଟି ଟଙ୍କାରେ ୪୭୦ ବିମାନ କ୍ରୟ ପାଇଁ ଏକ ଚୁକ୍ତିନାମା ସ୍ବାକ୍ଷର କରିଛି। ଟାଟା ଗ୍ରୁପ ମାଲିକାନା ବିମାନ କମ୍ପାନୀ ଚଳିତ ବର୍ଷ ଫେବୃଆରୀରେ କହିଥିଲା ଦୁଇ ବିମାନ ନିର୍ମାତାଙ୍କଠାରୁ ବଡ଼ ଆକାରର ବିମାନ ସମେତ ମୋଟ ୪୭୦ ବିମାନ କ୍ରୟ କରିବ।
ଏହା ଅନୁସାରେ ୩୪ଟି ଏ-୩୫୦-୧,୦୦୦, ଛଅଟି ଏ-୩୫୦-୯୦୦, ୨୦ଟି ବୋଇଙ୍ଗ ୭୮୭ ଡ୍ରିମଲାଇନର୍ ଏବଂ ୧୦ ବୋଇଙ୍ଗ ୭୭୭ ଏକ୍ସ ବଡ଼ ବିମାନ, ୧୪୦ଟି ଏୟାରବସ ଏ-୩୨୦ ନିୟୋ, ୭୦ ଟି ଏୟାରବସ ଏ-୩୨୧ ନିୟୋ, ଏବଂ ୧୯୦ ବୋଇଙ୍ଗ ୭୩୭ ମ୍ୟାକ୍ସ କ୍ଷୁଦ୍ର ଆକାରର ବିମାନ ଅନ୍ତର୍ଭୁକ୍ତ ବୋଲି କ୍ରୟ ଚୁକ୍ତିରେ କୁହାଯାଇଛି। ପ୍ୟାରିସ ଏୟାର ଶୋ’ରେ ଏହି ଚୁକ୍ତି କରାଯାଇଥିଲା।
