ଭାରତ ବଜାର ଛାଡ଼ିବ ଏୟାର ଏସିଆ; ସମ୍ପୂର୍ଣ୍ଣ ଅଂଶଧନ ଟାଟାକୁ ବିକିପାରେ

ନୂଆଦିଲ୍ଲୀ: ସୁଲଭ ବିମାନ ସେବା ପ୍ରଦାନକାରୀ କମ୍ପାନୀ ଏୟାର ଏସିଆ ଭାରତ ଛାଡିବା ନେଇ ଚର୍ଚ୍ଚା ଜୋର ଧରିଛି। କରୋନା ଯୋଗୁ ବିମାନ ଚଳାଚଳ କ୍ଷେତ୍ର ସଙ୍କଟରେ ଚାଲିଛି। ବିମାନ କମ୍ପାନୀଗୁଡିକ ରାଜସ୍ବ କ୍ଷତି ସହୁଥିବାରୁ ଖର୍ଚ୍ଚ କାଟ ଏବଂ ଛଟେଇ ଭଳି ସମସ୍ୟା ଉପୁଜିଛି। ଏଭଳି ସ୍ଥିତିରେ ଭାରତରେ କାରବାର ବଜାୟ ରଖିବା କମ୍ପାନୀଗୁଡିକ ଲାଗି କଷ୍ଟକର ହୋଇ ପଡୁଛି। ପୂର୍ବରୁ ମଧ୍ୟ ଏହି କମ୍ପାନୀ ଭାରତ ଛାଡିବା ନେଇ ଚିନ୍ତା କରୁଥିବା କମ୍ପାନୀର ଜଣେ ବରିଷ୍ଠ ଅଧିକାରୀ ଗଣମାଧ୍ୟମକୁ ସୂଚନା ଦେଇଥିଲେ। ହେଲେ କେବେ ସୁଦ୍ଧା କମ୍ପାନୀ ଭାରତ ଛାଡିବ ସେ ନେଇ ସେ ସ୍ପଷ୍ଟ କରି ନ ଥିଲେ। କମ୍ପାନୀର ଏହି ଯୋଜନାକୁ ନେଇ ପୁଣି ଥରେ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି। ରିପୋର୍ଟ ମୁତାବକ କମ୍ପାନୀ ଭାରତ ବଜାରରେ ରହିଥିବା ଏହାର ସମ୍ପୂର୍ଣ୍ଣ କାରବାରର ଅଂଶଧନକୁ ଟାଟା ଗ୍ରୁପ୍‌କୁ ବିକ୍ରି କରିପାରେ। ଏୟାର ଏସିଆଇ ଇଣ୍ଡିଆ ମାଲେସିଆ ଭିତ୍ତିକ ଏୟାର ଏସିଆ ବରହାଦର ଏକ ଅଂଶ।
କମ୍ପାନୀର ଏହି ଯୋଜନା ସମ୍ପର୍କରେ ଚର୍ଚ୍ଚା ହେଉଥିବା ବେଳେ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ସୋମବାର ଏ ନେଇ ଦେଇଥିବା ମତ ପରେ ଚର୍ଚ୍ଚା ଜୋର ଧରିଛି। ଚଣ୍ଡୀଗଠାରୁ କମ୍ପାନୀ କାହିଁକି ଏହାର ବିମାନ ସେବା ବନ୍ଦ କରିବ ବୋଲି ଏକ ପ୍ରଶ୍ନରେ ପୁରୀ କହିଛନ୍ତି ଯେ, ଏୟାର ଏସିଆ ଭାରତ ବଜାରରେ ଏହାର କାରବାର ବନ୍ଦ କରିବା ସ୍ଥିତିରେ ରହିଛି। ଏୟାର ଏସିଆ ଇଣ୍ଡିଆର ମୂଳ କମ୍ପାନୀରେ ସମସ୍ୟା କାରଣରୁ କମ୍ପାନୀ ଏଭଳି ନିଷ୍ପତ୍ତି ନେବ ବୋଲି ସେ ମତବ୍ୟକ୍ତ କରିଛନ୍ତି। ପରେ ମନ୍ତ୍ରଣାଳୟ ପକ୍ଷରୁ ଏହାର ସ୍ପଷ୍ଟୀକରଣ ପ୍ରଦାନ କରାଯାଇଛି। ପୁରୀଙ୍କ କଥାକୁ ଭୁଲ୍‌ ଭାବେ ଦର୍ଶାଯାଇଥିବା ଏଥିରେ କୁହାଯାଇଛି।
ଏୟାର ଏସିଆ ଇଣ୍ଡିଆ ଟାଟା ଗ୍ରୁପ୍‌ ସହ ମିଶି ଭାରତରେ ସେବା ଯୋଗାଉଛି। ଟାଟା ଗ୍ରୁପ୍‌ ଏହି କମ୍ପାନୀରେ ପ୍ରମୁଖ ଅଂଶୀଦାର। ଏହି ଘଟଣା ସମ୍ପର୍କରେ କମ୍ପାନୀର ଉତ୍ତର ଲୋଡାଯାଇଥିବା ବେଳେ ମୁଖପାତ୍ର କିଛି କହିବାକୁ ମନା କରିଦେଇଛନ୍ତି। କରୋନା ଯୋଗୁ ଏୟାର ଏସିଆ ବରହାଦ ସମସ୍ୟାରେ ରହିଛି। କମ୍ପାନୀ ପୁଞ୍ଜି ସଂଗ୍ରହ କରିବା ଯୋଜନା ରଖିଛି। ୨୦୧୪ରେ କମ୍ପାନୀ ଭାରତ ବଜାରରେ ପ୍ରବେଶ କରିଥିଲା। ହେଲେ କମ୍ପାନୀ ଲାଭଜନକ ସ୍ଥିତିକୁ ଆସିପାରିନାହିଁ। ଭାରତରେ ଏହାର ବଜାର ଅଂଶ ୬.୮% ରହିଛି। ସେହିଭଳି ୩ ହଜାର କର୍ମଚାରୀ ଏହି କମ୍ପାନୀରେ କାମ କରୁଛନ୍ତି। ଟାଟା ସନ୍ସ ଏହି କମ୍ପାନୀରେ ୧୧% ଅଂଶଧନ ହାସଲ କରିଛି। ମାଲେସିଆ କମ୍ପାନୀର ଅଂଶ ୪୯% ରହିଛି। କ୍ଷତିରେ ଚାଲୁଥିବା ଏହି ଯୌଥ ଉଦ୍ୟୋଗରେ ମାଲେସିଆ ଭିତ୍ତିକ କମ୍ପାନୀ ପୁଞ୍ଜି ଲଗାଇବା ସପକ୍ଷରେ ନାହିଁ। ଅପରପକ୍ଷରେ କମ୍ପାନୀର ବଳକା ୪୯% ଅଂଶଧନ କିଣିନେବା ଲାଗି ଟାଟା ଆଲୋଚନାରେ ସାମିଲ ହୋଇଥିବା ଶୁଣିବାକୁ ମିଳିଛି।


Enter your email to get our daily news in your inbox.

All Right Reserved By Dharitri.Com

ପବ୍ଲିକ ହେଲ୍‌ଥରେ ଅଧିକ ନିବେଶ ହେବ

ନୂଆଦିଲ୍ଲୀ,୧୮।୫: ପବ୍ଲିକ୍‌ ହେଲ୍‌ଥ ସିଷ୍ଟମରେ ସରକାର ଅଧିକ ପୁଞ୍ଜି ଖର୍ଚ୍ଚ କରିବାକୁ ଯୋଜନା ରଖିଛନ୍ତି। ଗ୍ରାମାଞ୍ଚଳ ଏବଂ ସହରାଞ୍ଚଳରେ ଥିବା ସ୍ବାସ୍ଥ୍ୟସେବା ଯୋଗାଣ କରୁଥିବା ଅନୁଷ୍ଠାନଗୁଡିକରେ...

କ୍ଷୁଦ୍ର ରପ୍ତାନିକାରୀଙ୍କ ଲାଗି ବୀମା ପ୍ରିମିୟମ କମିବ:ଗୋୟଲ

ନୂଆଦିଲ୍ଲୀ,୧୭-୯: ବାଣିଜ୍ୟ ମନ୍ତ୍ରଣାଳୟ କ୍ଷୁଦ୍ର ରପ୍ତାନିକାରୀଙ୍କ ଲାଗି ବୀମା ପ୍ରିମିୟମ ହାର କମ୍‌ କରିବା ପାଇଁ କ୍ୟାବିନେଟରେ ଏକ ପ୍ରସ୍ତାବ ଆଣିବ। ଯେଉଁ ରପ୍ତାନିକାରୀଙ୍କ ବକେୟା...

୨୦୧୯-୨୦ରେ ଓଡ଼ିଶାକୁ ୫୧୨୨ କୋଟି ଟଙ୍କାର ଜିଏସ୍‌ଟି କ୍ଷତିପୂରଣ

ନୂଆଦିଲ୍ଲୀ,୨୭।୭: ଆର୍ଥତ୍କ ବର୍ଷ ୨୦୧୯-୨୦ରେ କେନ୍ଦ୍ର ସରକାର ସାମଗ୍ରୀ ଓ ସେବା ଟିକସ (ଜିଏସ୍‌ଟି) କ୍ଷତିପୂରଣ ବାବଦ ଓଡ଼ିଶାକୁ ମୋଟ ୫,୧୨୨ କୋଟି ଟଙ୍କା ପ୍ରଦାନ...

୧.୨୯ ଲକ୍ଷ କୋଟି ଟଙ୍କା ରିଫଣ୍ଡ ଦେଲା ସିବିଡିଟି

ନୂଆଦିଲ୍ଲୀ: କେନ୍ଦ୍ରୀୟ ପ୍ରତ୍ୟକ୍ଷ ଟିକସ ବୋର୍ଡ(ସିବିଡିଟି) ପକ୍ଷରୁ ୧.୨୯ ଲକ୍ଷ କୋଟି ଟଙ୍କା ଟିକସଦାତାଙ୍କୁ ରିଫଣ୍ଡ ପ୍ରଦାନ କରାଯାଇଛି। ଏପ୍ରିଲରୁ ନଭେମ୍ବର ମଧ୍ୟରେ ୩୯.୪୯ ଲକ୍ଷ...

ଟେଲିକମ୍‌ କମ୍ପାନୀଙ୍କ ସମସ୍ୟା ସମାଧାନ ଲାଗି ସିଓଏସ୍‌ ଦେବ ପ୍ରସ୍ତାବ

ନୂଆଦିଲ୍ଲୀ,୩୦-୧୦: ଦେଶର ଟେଲିକମ୍‌ ଶିଳ୍ପ ବର୍ତ୍ତମାନ ଆର୍ଥତ୍କ ସମସ୍ୟା ସାମ୍ନା କରୁଥିବା ବେଳେ ଏହାର ସମାଧାନ ଲାଗି କ୍ୟାବିନେଟ ସଚିବଙ୍କ ଅଧ୍ୟକ୍ଷତାରେ ଗଠିତ ସେକ୍ରେଟେରୀ କମିଟି(...

ଖୋଲା ରହିବ ଖାଦ୍ୟଶସ୍ୟ, ଔଷଧ ଦୋକାନ

ମୁମ୍ବାଇ,୨୬। ୩: ଲୋକମାନେ ଭୟଭୀତ ନ ହୋଇ ସାମଗ୍ରୀ କିଣିବାକୁ କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେକର ନିବେଦନ କରିଛନ୍ତି। ଲକ୍‌ଡାଉନ ସମୟରେ ଖାଦ୍ୟଶସ୍ୟ, ଔଷଧ ସମେତ ଅତି...

ମୁକେଶ ଅମ୍ବାନୀଙ୍କ ଝିଅ ଈଶାଙ୍କୁ ଏହି ନାମରେ ଚିଡାନ୍ତି ସ୍ବାମୀ ଆନନ୍ଦ

ଦେଶର ସବୁଠାରୁ ଧନୀ ବ୍ୟକ୍ତି ମୁକେଶ ଅମ୍ବାନୀଙ୍କ ଝିଅ ଈଶା ଅମ୍ବାନୀ। ଈଶା ମା’ ନୀତା ଅମ୍ବାନୀଙ୍କର ଖୁବ୍‌ ନିକଟତର। ନିଜର ଛୋଟ ବଡ଼ ସବୁ...

ଅର୍ଥ ବ୍ୟବସ୍ଥା ଲାଗି ବିନାଶକାରୀ ଲକ୍‌ଡାଉନ: କ୍ରିସ ଉଡ୍‌

ନୂଆଦିଲ୍ଲୀ,୨୫।୪:ଭାରତ ଏବଂ ଇଣ୍ଡୋନେସିଆ ଭଳି ଦେଶଗୁଡିକ ଲାଗି ଲକ୍‌ଡାଉନ ବିନାଶକାରୀ। ଏହା ଦ୍ୱାରା ଅର୍ଥ ବ୍ୟବସ୍ଥା ଏବଂ ଲୋକଙ୍କର ବିଶେଷ ମଙ୍ଗଳ ସାଧନ କରି ହେବ...

Advertisement


Archives

Model This Week