୫୦୦ ବର୍ଗଫୁଟର ଅଗଣାରେ ପରିବା ଚାଷ କରି ମାସକୁ ୫,୦୦୦ ଟଙ୍କା ସଞ୍ଚୟ କରିପାରୁଛନ୍ତି କେରଳର ପଦ୍ମା ସୁରେଶ । ସେ ଏହି ଚାଷରେ ପରିବାରର ଆବଶ୍ୟକତା ପୂରଣ କରିବା ସହ ବଳକା ପରିବା ବଜାରରେ ବିକ୍ରି କରୁଛନ୍ତି । ପଦ୍ମାଙ୍କ ବୟସ ଏବେ ୪୮। ସେ ସ୍କୁଲରେ ପଢ଼ିବା ସମୟରେ ତାଙ୍କ ପିତାଙ୍କ ସହ ବହୁ ସମୟ କୃଷିକାର୍ଯ୍ୟରେ କଟାଉଥିଲେ। କୃଷି ପ୍ରତି ପଦ୍ମାଙ୍କ ଆଗ୍ରହ ସେହି ସମୟରୁ ସୃଷ୍ଟି ହୋଇଥିଲା ଓ ବିବାହ ପରେ ସେ ଅଗଣାରେ ଗ୍ରୋ-ବ୍ୟାଗରେ ଚାଷ କରୁଛନ୍ତି। ୨୦୦ ଗ୍ରୋ-ବ୍ୟାଗରେ ସେ ଲଙ୍କା, ଚେରି ଟମାଟୋ, ବିନ୍ସ, କାକୁଡ଼ି, ବାଇଗଣ, ଭେଣ୍ଡି ଓ ଶୀତଦିନେ କୋବି ଆଦି ୨୦ ପ୍ରକାର ପରିବା ଚାଷ କରୁଛନ୍ତି। ଏହି ଚାଷ ସମ୍ପୂର୍ଣ୍ଣ ଜୈବିକ ପଦ୍ଧତିରେ ହେଉଛି। ପଦ୍ମା ପରିବାର ପାଇଁ କେବଳ ଆଳୁ , ରସୁଣ, ପିଆଜ , ହଳଦୀ କିଣୁଛନ୍ତି। ସେ ପ୍ରତି ରବିବାର ପରିବା ବିକ୍ରି କରି ପାଖାପାଖି ୧୦୦୦ ଟଙ୍କାରୁ ଅଧିକ ରୋଜଗାର କରୁଛନ୍ତି। ଏହି ଚାଷ ପାଇଁ ଜୈବିକ ଖତ ଓ କୀଟନାଶକ କରାଯାଉଛି ଓ ଏସବୁକୁ ପଦ୍ମା ନିଜେ ପ୍ରସ୍ତୁତ କରୁଛନ୍ତି।
