ଚାନ୍ଦବାଲି,୨୦।୩: ଭଦ୍ରକ ଜିଲା ତିହିଡି ବ୍ଲକ ଚାରିତରଫ ସୋସାଇଟରେ ଶୁକ୍ରବାର ଚାଷୀ ଅସନ୍ତୋଷ ଦେଖାଦେଇଛି। ମଣ୍ଡିରୁ ଧାନ ଉଠୁ ନ ଥିବା ଅଭିଯୋଗ କରି ଚାଷୀମାନେ ରାଜ ରାସ୍ତାରେ ଧାନ ବସ୍ତା ରଖି ଧାରଣା ଦେଇଥିଲେ। ଏପରିକି ଚାଷୀମାନେ ତହସିଲଦାରଙ୍କ ଗାଡିକୁ ଅଟକାଇ ଆଗରେ ଶୋଇ ପଡିଥିଲେ। ଏପରିକି ସୋସାଇଟି ପକ୍ଷରୁ ଧାନ କିଣାରେ ବ୍ୟାପକ ସମସ୍ୟା ଦେଖା ଦେଉଥିବା ଅଭିଯୋଗ କରିଥିଲେ।
ଯଦି ସମସ୍ୟା ଦୂର ନ ହୁଏ ତେବେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଚାଷୀମାନେଳଚେତାବନୀ ଦେଇଛନ୍ତି। ଏନେଇ ତହସିଲଦାର ଭବତୋଷ ମଲ୍ଲିକଙ୍କୁ ପଚାରିବାରୁ ସେ କହିଥିଲେ, ଆନ୍ଦୋଳନ କରିବା ନେଇ କୌଣସି ଲିଖିତ ଅଭିଯୋଗ ହୋଇନାହିଁ। ଏପରିକି ଆନ୍ଦୋଳନ ପାଇଁ ଅନୁମତି ନେଇ ନାହାନ୍ତି। ଆନ୍ଦୋଳନ କରିବାକୁ ମନା ନାହିଁ କିନ୍ତୁ ନିୟମ ଅନୁଯାୟୀ ଆନ୍ଦୋଳନ କରିବାକୁ ଚାଷୀଙ୍କୁ ସେ କହିଥିଲେ।