ନୂଆଦିଲ୍ଲୀ,୧୯।୨ : କୋର୍ଟଙ୍କ ସମ୍ମୁଖରେ ଦାଖଲ ହୋଇଥିବା ସତ୍ୟପାଠ ଏକ କାଗଜ ଖଣ୍ଡ ନୁହେଁ, ବରଂ ଏହା ଶପଥ ନେଇ ଦିଆଯାଇଥିବା ଗୁରୁତ୍ୱପୂର୍ଣ୍ଣ ବୟାନ। ତେଣୁ ଏହାକୁ କେବେ ମଧ୍ୟ ଅଣଦେଖା କରାଯାଇ ପାରିବ ନାହିଁ ବୋଲି ସୁପ୍ରିମ୍କୋର୍ଟ କହିଛନ୍ତି। ଏହା ସହିତ ନୋଏଡ଼ା ପ୍ରାଧିକରଣ ଦ୍ୱାରା ଭୂଖଣ୍ଡ ଆବଣ୍ଟନକୁ ରଦ୍ଦ କରିବା ରାୟକୁ କାଏମ୍ ରଖିଛନ୍ତି। ମିଥ୍ୟା ସତ୍ୟପାଠ ଦାଖଲ କରିବା ପରେ ପ୍ରାପ୍ତ ଭୂଖଣ୍ଡକୁ ରଦ୍ଦ କରିବା ପଟ୍ଟା ରଦ୍ଦ କରିବା ଏକ ବୈଧ ଆଧାର ବୋଲି ବିଚାରପତି ହେମନ୍ତ ଗୁପ୍ତା ଏବଂ ଭି. ରାମସୁବ୍ରମଣ୍ୟମଙ୍କ ନେତୃତ୍ୱରେ ଗଠିତ ଖଣ୍ଡପୀଠ କହିଛନ୍ତି।
୨୦୧୦ ଫେବୃୟାରୀ ୨୫ରେ ହାଇକୋର୍ଟଙ୍କ ଦ୍ୱାରା ପ୍ରଦାନ କରାଯାଇଥିବା ରାୟ ବିରୋଧରେ ଶୀର୍ଷକୋର୍ଟରେ କରାଯାଇଥିବା ଅପିଲ୍ର ବିଚାର କରି ଖଣ୍ଡପୀଠ ଏଭଳି ରାୟ ଦେଇଛନ୍ତି।
ଆକ୍ଷେପିତ ରାୟରେ ୧୯୯୯ ଡିସେମ୍ବାର ୧୯ରେ ହାଇକୋର୍ଟ ପ୍ରଥମ ଅପିଲ କରାଯାଇଥିବା ଅଦାଲତଙ୍କ ନିଷ୍ପତ୍ତିକୁ କାଏମ୍ ରଖିଥିଲେ। ଅପିଲ୍ରେ ନିମ୍ନ ଅଦାଲତର ରାୟ ସମ୍ପର୍କରେ ଉଲ୍ଲେଖ କରାଯାଇଥିଲା। ୧୯୮୧ ଅକ୍ଟୋବର ୬ରେ ନୋଏଡ଼ାର ସେକ୍ଟର ୩୦ରେ ଏକ ଆବାସୀୟ ଭୂଖଣ୍ଡକୁ ଡିଫେନ୍ସ ସର୍ଭିସେଜ୍ କୋପରେଟିଭ୍ ହାଉସିଂ ସୋସାଇଟି ଦ୍ୱାରା ଆବଣ୍ଟିତ କରାଯାଇଥିଲା।
୧୯୯୧ ଅଗଷ୍ଟ ୨୪ରେ ଆବଣ୍ଟିତ ପ୍ଲଟ୍କୁ ହସ୍ତାନ୍ତର କରାଯାଇଥିଲା। ତେବେ କେତେକ ସମସ୍ୟା ଯୋଗୁ ଏହା ଆଇନ ଜାଲରେ ଛନ୍ଦି ହୋଇ ଯାଇଥିଲା।
