ଥିରୁଭାନନ୍ତପୁରମ,୨୫।୧୧: ସୂର୍ଯ୍ୟ ଅଧ୍ୟୟନ ପାଇଁ ପଠାଯାଇଥିବା ଭାରତର ପ୍ରଥମ ମହାକାଶ ମିଶନ ଆଦିତ୍ୟ ଏଲ-୧ ଏହାର ଶେଷ ପର୍ଯ୍ୟାୟରେ ଅଛି ଏବଂ ଖୁବ ଶୀଘ୍ର ଏହାର ଲକ୍ଷ୍ୟ ସ୍ଥଳରେ ପହଞ୍ଚିବ। ଇସ୍ରୋ ମୁଖ୍ୟ ଏସ ସୋମନାଥ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ଆଦିତ୍ୟ ସଠିକ ରାସ୍ତାରେ ଅଛିଏବଂ ମୁଁ ଭାବୁଛି ଏହା ଶେଷ ପର୍ଯ୍ୟାୟରେ ପହଞ୍ଚିଛି। ସେ କହିଛନ୍ତି ଯେ ଏହା ସମ୍ଭବ ଯେ ଜାନୁୟାରୀ ୭ରେ ଆଦିତ୍ୟ ଏଲ-୧ ଏହାର ଅନ୍ତିମ ମ୍ୟାନୁଭର୍ ଶେଷ କରି ଏଲ-୧ ପଏଣ୍ଟରେ ପ୍ରବେଶ କରିବ।
ସୂଚନାଯୋଗ୍ୟ, ଆନ୍ଧ୍ରପ୍ରଦେଶର ଶ୍ରୀହାରିକୋଟା ସ୍ଥିତ ସତୀଶ ଧୱନ ମହାକାଶ କେନ୍ଦ୍ରରୁ ଆଦିତ୍ୟ ଏଲ-୧ ସଫଳତାର ସହ ୨ସେପ୍ଟେମ୍ବର ୨୦୨୩ରେ ଲଞ୍ଚ କରାଯାଇଥିଲା। ଆଦିତ୍ୟ ଏଲ-୧ ମହାକାଶଯାନ ପ୍ରାୟ ୧୫ଲକ୍ଷ କିଲୋମିଟର ଦୂରତା ଅତିକ୍ରମ କରିବ ଏବଂ ୧୨୫ ଦିନ ମଧ୍ୟରେ ସୂର୍ଯ୍ୟଙ୍କ ନିକଟସ୍ଥ ଲାଗ୍ରାଙ୍ଗିଆନ ପଏଣ୍ଟରେ ପହଞ୍ଚିବ। ଆଦିତ୍ୟ ଏଲ-୧ ଲାଗ୍ରାଙ୍ଗିଆନ ପଏଣ୍ଟରୁ ସୂର୍ଯ୍ୟଙ୍କର ଫଟୋ ଉଠାଇ ପୃଥିବୀକୁ ପଠାଇବ। ଆଦିତ୍ୟ ଏଲ-୧ର ସାହାଯ୍ୟରେ, ଇସ୍ରୋ ସୂର୍ଯ୍ୟର ଧାରରେ ଘଟୁଥିବା ଉତ୍ତାପକୁ ଅଧ୍ୟୟନ କରିବ ଏବଂ ସୂର୍ଯ୍ୟ ଧାରରେ ସୃଷ୍ଟି ହେଉଥିବା ଝଡ଼ର ଗତି ଏବଂ ତାପମାତ୍ରା ଢାଞ୍ଚା ବା ପ୍ୟାଟର୍ନକୁ ବୁଝିବାକୁ ଚେଷ୍ଟା କରିବ।
