କ୍ରିତି ସାନନ୍ ମାଇଣ୍ଡ ମେକ୍ଅପ୍ କରିଛନ୍ତି। ଯାହାହେଲେ ମଧ୍ୟ ସେ ଫାଇଟ୍ ଶିଖିବେ। ପୁଣି ଷ୍ଟଣ୍ଟ ଶଟ୍ ଦେବାକୁ ମଧ୍ୟ ଅଭ୍ୟାସ କରିବେ। ହେଲେ ହଠାତ୍ ତାଙ୍କ ମନରେ ଏଭଳି ଭାବନା କାହିଁକି ଉଦ୍ରେକ ହେଲା? କଥା କ’ଣ କି ନିକଟରେ ସେ ସାଇନ୍ କରିଥିବା ଏକ ନୂଆ ସିନେମାରେ ତାଙ୍କୁ ଆକ୍ସନ ଅବତାରରେ ଦର୍ଶକ ଦେଖିବାକୁ ପାଇବେ। ତେଣୁ ଏନେଇ କ୍ରିତି ଅଭ୍ୟାସ ଆରମ୍ଭ କରିଦେଇଛନ୍ତି। ଜଣେ ନାମୀ ଆକ୍ସନ ଟ୍ରେନରଙ୍କ ନିକଟରୁ ସେ ଫାଇଟ୍ ଏବଂ ଷ୍ଟଣ୍ଟ ଶିଖୁଛନ୍ତି। ଏ ନେଇ କ୍ରିତି କହନ୍ତି, ‘ମୋ ମତରେ ଜଣେ ସବୁବେଳେ ଗୋଟିଏ ପ୍ରକାର ଭୂମିକାରେ ବାନ୍ଧି ହୋଇ ରହିବା ଠିକ୍ ନୁହେଁ। ଯେତେବେଳେ ମୋତେ ଏପରି ଏକ ଭୂମିକା ମିଳିଲା ସେତେବେଳେ ଏହାକୁ ତୁଲାଇ ପାରିବି ବୋଲି ମୋ ମନରେ ଦୃଢ଼ ଧରଣା ଆସିଥିଲା। ଏବେ ମୁଁ ଜଣେ ନାମୀ ଟ୍ରେନରଙ୍କ ନିକଟରେ ଉଭୟ ଫାଇଟ୍ ଏବଂ ଷ୍ଟଣ୍ଟ ପ୍ରାକ୍ଟିସ କରୁଛି। ଏକ ସୀମିତ ସମୟ ଭିତରେ ମୋତେ ଏହାକୁ କମ୍ପ୍ଲିଟ୍ କରିବାକୁ ପଡିବ।’ ତେବେ ଏପରି ଭୂମିକାରେ କ୍ରିତିଙ୍କୁ ଦର୍ଶକ କେତେ ଗ୍ରହଣ କରୁଛନ୍ତି ତାହା ଫିଲ୍ମଟି ରିଲିଜ୍ ପରେ ହିଁ ଜଣାପଡିବ।
