୧୦୦୦ ମେଗାୱାଟ୍‌ର ସବୁଜ ଶକ୍ତି ପ୍ରକଳ୍ପ କରିବ ଏସିଏଲ୍‌
9:01 amDecember 26, 2023December 26, 2023 / 02

ଭୁବନେଶ୍ୱର,୨୬।୧୨: ଆଦାନୀ ଗ୍ରୁପ୍‌ର ସହଯୋଗୀ କମ୍ପାନୀ ଅମ୍ବୁଜା ସିମେଣ୍ଟସ ଲିମିଟେଡ୍‌ (ଏସିଏଲ୍‌)ର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ତଥା ୧୦୦୦ ମେଗାୱାଟ୍‌ର ସବୁଜ ଶକ୍ତି ପ୍ରକଳ୍ପରେ ୬,୦୦୦ କୋଟି ଟଙ୍କା ନିବେଶ କରିବାକୁ ଏସିଏଲ୍‌ ଘୋଷଣା କରିଛି। ବିଶେଷକରି ଏକ ସ୍ଥାୟୀ ସିମେଣ୍ଟ ଉପତ୍ାଦନରେ ଅଗ୍ରଣୀ ରହିବା ଲାଗି ଏସିଏଲ୍‌ର ସ୍ଥିତିକୁ ମଜଭୁତ କରିବାକୁ କମ୍ପାନୀ ଚାହୁଁଛି। ଏପରିକି କମ୍ପାନୀ ଗୁଜରାଟ ଓ ରାଜସ୍ଥାନର ଗୁରୁତ୍ୱପୂର୍ଣ୍ଣ ସ୍ଥାନରେ ସୌର ଓ ପବନ ଶକ୍ତି ପ୍ରକଳ୍ପରେ ନିବେଶ କରିବ। ସେହିଭଳି କମ୍ପାନୀ ଗୁଜରାଟରେ ଏକ ୬୦୦ମେଗାୱାଟ୍‌ ସୌର ଶକ୍ତି ପ୍ରକଳ୍ପ ଏବଂ ୧୫୦ ମେଗାୱାଟ୍‌ ପବନ ଶକ୍ତି ପ୍ରକଳ୍ପ ସହ ରାଜସ୍ଥାନରେ ୨୫୦ମେଗାୱାଟ୍‌ର ସୌରଶକ୍ତି ପ୍ରକଳ୍ପ ସ୍ଥାପନ କରିବ ବୋଲି ଜଣାପଡ଼ିଛି। ଏପରିକି ୨୦୨୫-୨୬ ସୁଦ୍ଧା ଏହି ଲକ୍ଷ୍ୟ ହାସଲ ସହ ୨୦୨୪ ମାର୍ଚ୍ଚ ସୁଦ୍ଧା କମ୍ପାନୀ ୨୦୦ ମେଗାୱାଟ୍‌ ଲକ୍ଷ୍ୟ ହାସଲ କରିବ। କମ୍ପାନୀର ଏହି ନିବେଶ ପରିବେଶ ସ୍ଥାୟିତ୍ୱ ପ୍ରତି ଆମ ପ୍ରତିବଦ୍ଧତା ଏବଂ ବାର୍ଷିକ ୧୪୦ ନିୟୁତ ଟନ୍‌ର ବୃହତ୍‌ ଲକ୍ଷ୍ୟ ହାସଲ କରିବାର ଅର୍ଥନୈତିକ ଲାଭକୁ ଦର୍ଶାଉଛି। ଅପରପକ୍ଷରେ ସବୁଜ ଶକ୍ତିରୁ ବିଦ୍ୟୁତ୍‌ ଶକ୍ତି ଉପତ୍ାଦନ ହେବା ଦ୍ୱାରା କମ୍ପାନୀର ଶକ୍ତି ଖର୍ଚ୍ଚ କିଲୋୱାଟ୍‌ ପିଛା ୬.୪୬ଟଙ୍କାରୁ ହ୍ରାସ ପାଇ ୫.୧୬ଟଙ୍କାକୁ ହ୍ରାସ ପାଇଛି। କିଲୋୱାଟ୍‌ ପିଛା ୧.୩୦ ଟଙ୍କା ହ୍ରାସ ହେଲେ ୨୦୨୮ ସୁଦ୍ଧା ୧୪୦ଏମ୍‌ଟିପିଏ ସିମେଣ୍ଟ ଉପତ୍ାଦନ ଲକ୍ଷ୍ୟରେ ୯୦ପିଏମ୍‌ଟି ସିମେଣ୍ଟ ଯୋଡ଼ିବ ଏବଂ କମ୍ପାନୀର ଇଏସ୍‌ଜି ଲକ୍ଷ୍ୟ ପ୍ରତି ସମର୍ଥନ ପ୍ରଦାନ କରିବ। କମ୍ପାନୀର ୱେଷ୍ଟ୍‌ ହିଟ୍‌ ରିକଭରି ସିଷ୍ଟମ୍‌ର ଦକ୍ଷତାକୁ ୫ବର୍ଷ ଅବଧିରେ ୧୦୩ ମେଗାୱାଟ୍‌ରୁ ବଢ଼ାଇ ୩୯୭ ମେଗାୱାଟ୍‌ କରିବ,ଯାହା ବିଦ୍ୟୁତ୍‌ ଖର୍ଚ୍ଚକୁ ଆହୁରି ହ୍ରାସ କରିବ। ବର୍ତ୍ତମାନ କମ୍ପାନୀର ଉପତ୍ାଦନରେ ୧୯% ସବୁଜ ଶକ୍ତି ବ୍ୟବହାର କରୁଛି। ଏହି ପ୍ରକଳ୍ପଗୁଡ଼ିକ କାର୍ଯ୍ୟକ୍ଷମ ହେବା ପରେ ସେହି ଭାଗ ୬୦%କୁ ବୃଦ୍ଧି ପାଇବ ଏବଂ କମ୍ପାନୀ ନିଜ ପ୍ରତିଦ୍ୱନ୍ଦ୍ୱୀଙ୍କଠାରୁ ଆଗରେ ରହିବ। ଏ ସମ୍ପର୍କରେ ଅମ୍ବୁଜା ସିମେଣ୍ଟ୍‌ସ ଲିମିଟେଡ୍‌ର ସିଇଓ ଅଜୟ କପୁର କହିଛନ୍ତି, ଏହି ଗୁରୁତ୍ୱପୂର୍ଣ୍ଣ ନିବେଶ ସ୍ଥାୟୀ ଅଭ୍ୟାସ ପ୍ରତି ଆମ ପ୍ରତିବଦ୍ଧତାକୁ ଦର୍ଶାଉଛି।