ଗଞ୍ଜାମ,୨୯ା୪(ଡି.ଏନ୍.ଏ.): ବିବାହ ବାର୍ଷିକୀ ପାଳନ ପାଇଁ ଶ୍ୱଶୁର ଘରକୁ ଯିବା ବାଟରେ ଦୁର୍ଘଟଣାର ଶିକାର ହୋଇଛନ୍ତି ଦମ୍ପତି। ଏହି ଦୁର୍ଘଟଣାରେ ଦୁଇ ଶିଶୁ କନ୍ୟା( ୬ ଓ ୨ ବର୍ଷ ) ମଧ୍ୟ ଆହତ ହୋଇଥିବା ଜଣାପଡ଼ିଛି। ସେମାନେ ହେଲେ ଆଲିବାଦ ଗ୍ରାମର ପ୍ରଶାନ୍ତ ସେନାପତି ଓ ତାଙ୍କ ସ୍ତ୍ରୀ ରାଜନେତା ସେନାପତି। ଶନିବାର ଅପରାହ୍ନରେ ଦମ୍ପତି ନିଜ ଗ୍ରାମରୁ ବାଇକ୍ ଯୋଗେ ଦୁଇ ଶିଶୁ କନ୍ୟାଙ୍କୁ ନେଇ ଶିପକୁଦା ବିବାହ ବାର୍ଷିକୀ ଉତ୍ସବ ପାଳନ ପାଇଁ ଯାଉଥିଲେ। ଦାମୋଦରପୁରସ୍ଥିତ ଜାତୀୟ ରାଜପଥରୁ ବଜାରକୁ ବାଇକ୍ ଚାଳକ ହଠାତ୍ ବାଇକ୍ ବୁଲାଇ ଦେଇଥିଲେ। ଫଳରେ ଡିଭାଇଡରରେ ପିଟି ହୋଇ ବାଇକ୍ରୁ ଛିଟିକି ପଡ଼ିଥିଲେ। ମହିଳାଙ୍କ ମୁଣ୍ଡ ଏବଂ ଜଣେ ଶିଶୁଙ୍କ ମୁହଁରେ ଆଘାତ ଲାଗିଥିବା ଜଣାପଡିଛି। ସେହିବାଟ ଦେଇ ଯାଉଥିବା ଗଞ୍ଜାମ ସହରର ଯୁବ ସ୍ବେଛାସେବୀ ତଥା ବିଜେଡି ଯୁବ ସଭାପତି ସୁଧୀର କୁମାର ପାଢ଼ୀ, ଦାମୋଦର ପୁର ଗ୍ରାମର ରାଜେଶ କୁମାର ବେହେରା ଓ ଈଶ୍ୱର ରେଡ୍ଡୀ ପ୍ରମୁଖ ଆହତଙ୍କୁ ଗଞ୍ଜାମ ସ୍ବାସ୍ଥ୍ୟକେନ୍ଦ୍ରରେ ନେଇ ଭର୍ତ୍ତି କରାଇଥିଲେ।
