କୁନ୍ଦୁରା,୧୭ା୩(ସନ୍ତୋଷ ପ୍ରହରାଜ): କୋରାପୁଟ ଜିଲା କୁନ୍ଦୁରା ବ୍ଲକ୍ ଭୁସାଙ୍ଗଗୁଡ଼ା ପଞ୍ଚାୟତ ଅନ୍ତର୍ଗତ ଖଟଲାପଦର ନିକଟସ୍ଥ କୋଲାବ ନଦୀ ବ୍ରିଜ ତଳକୁ ଭୋଜି ଖାଇ ଯାଉଥିବା ଏକ ଭ୍ୟାନ୍ ଖସି ପଡ଼ିବା ଫଳରେ ୨ ଜଣଙ୍କର ମୃତ୍ୟୁ ଘଟିଛି। ମୃତକ ଦ୍ୱୟ ହେଲେ ସୂତି ବାଲିଆ ଏବଂ ଲଛମା ରାମପୁରିଆ। ଏହି ଦୁର୍ଘଟଣାରେ ୩୮ରୁ ଊର୍ଦ୍ଧ୍ୱ ଆହତ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୦ରୁ ଊର୍ଦ୍ଧ୍ୱ ଗୁରୁତର ରହିଥିବା କୁନ୍ଦୁରା ପୋଲିସ ପକ୍ଷରୁ ସୂଚନା ମିଳିଛି। ବୈପାରୀଗୁଡ଼ା ବ୍ଲକ ଧଳପୁର ଏକ ୪୦୭ ଗାଡ଼ିରେ ବୋରିଗୁମ୍ମା ବ୍ଲକ୍ ମାଝିଗୁଡ଼ାକୁ ଯାଉଥିବା ବେଳେ ଏହି ଅଘଟଣ ଘଟିଛି। ଘଟଣାସ୍ଥଳରେ କୁନ୍ଦୁରା ଭାରପ୍ରାପ୍ତ ଥାନାଧିକାରୀ ଦୀପାଞ୍ଜଳି ପ୍ରଧାନ,ଏସ୍ଆଇ ସ୍ବରୂପା ମଲ୍ଲିକ,ଏଏସ୍ଆଇ ମୀନକେତନ ପାତ୍ର ଏବଂ ପୁରୁଷୋତ୍ତମ ରାୟ ପ୍ରମୁଖ ଉପସ୍ଥିତ ରହି ଘଟଣାର ତଦନ୍ତ ଆରମ୍ଭ କରିଛନ୍ତି।
