ପାରଳାଖେମୁଣ୍ଡି,୨୮ା୧(ଗିରିଧାରୀ ପରିଛା) :ଗଜପତି ଜିଲା ଗୋଷାଣି ବ୍ଲକର ମଧୁସୁଦନପୁର ପଞ୍ଚାୟତର ସମିତି ସଭ୍ଯ ଆର. ବାସୁଦେବ ରାଓ ଜିଲା ନ୍ଯାୟାଳୟରେ ମଙ୍ଗଳବାର ଆତ୍ମସମର୍ପଣ କରିଛନ୍ତି । ଏନେଇ ତାଙ୍କ ଓକିଲ ଡି. ଭେଙ୍କଟରାଓ ପ୍ରକାଶ କରିଛନ୍ତି । ସୂଚନା ଅନୁଯାୟୀ ବାସୁଦେବ ରାଓ ଗତ ବିଧାନସଭା ନିର୍ବାଚନ ସମୟରେ ସ୍ଥାନୀୟ ଅଙ୍ଗନବାଡି କର୍ମୀଙ୍କୁ ବଳାତ୍କାର କରିଥିବା ଅଭିଯୋଗ ହୋଇଥିଲା ।
ଏହାସହ ସେ ଉକ୍ତ ମହିଳାଙ୍କୁ ଜାତିଆଣ ଆକ୍ଷେପ କରିଥିବା ନେଇ ଅଭିଯୋଗ ହୋଇଥିଲା । ପରେ ଗୁରାଣ୍ଡି ଥାନାରେ ଏନେଇ ମାମଲା ରୁଜୁ ହେବା ପରେ ବାରମ୍ବାର ପରୱାନା କରାଯାଇଥିଲା । ହେଲେ ସେ କାଣ୍ଡ ଭିଆଇ ଫେରାର ହୋଇଯାଇଥିଲେ । ସୂଚନା ଯେ, ସେ ତୋଟାଗୁମୁଡା ଗ୍ରାମର ଏବଂ ଜଣେ ପୁର୍ବତନ ସେନା କର୍ମଚାରୀ । ତେବେ ସେ ମଙ୍ଗଳବାର ଜିଲା ନ୍ଯାୟଳୟରେ ଆତ୍ମସମର୍ପଣ କରିଥିବା ଜଣାପଡିଛି ।
