ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ଆଜିକାଲି କାନ୍ସ ଫିଲ୍ମ ଫେଷ୍ଟିଭାଲରେ ବ୍ୟସ୍ତ ଅଛନ୍ତି। ତାଙ୍କୁ ଧଳା ରଙ୍ଗର ବନାରସୀ ଶାଢ଼ିରେ ଦେଖିବାକୁ ମିଳିଥିଲା। ତାଙ୍କ ଲୁକ୍ର ସବୁଠାରୁ ଖାସ କଥା ଥିଲା ତାଙ୍କର ସିନ୍ଦୁର। ଐଶ୍ୱର୍ଯ୍ୟା ଶାଢ଼ିରେ ସିନ୍ଦୁର ଲଗାଇଥିଲେ। ତାଙ୍କ ଫଟୋ ଭାଇରାଲ ହେବା ମାତ୍ରେ ସ୍ପଷ୍ଟ ହୋଇଥିଲା ଯେ ଐଶ୍ୱର୍ଯ୍ୟା ଏବଂ ଅଭିଷେକଙ୍କ ମଧ୍ୟରେ ସବୁକିଛି ଠିକ ଅଛି।
ଗତ କିଛି ଦିନ ହେଲା ଐଶ୍ୱର୍ଯ୍ୟା ଏବଂ ଅଭିଷେକଙ୍କ ମଧ୍ୟରେ ଫାଟ ସୃଷ୍ଟି ହୋଇଥିବା ଖବର ଆସିଥିଲା। କଥାଟି ଛାଡପତ୍ର ପର୍ଯ୍ୟନ୍ତ ପହଞ୍ଚିଥିଲା। ତଥାପି, ଏବେ ଐଶ୍ୱର୍ଯ୍ୟାଙ୍କ ଫଟୋ ଏହି ରିପୋର୍ଟଗୁଡ଼ିକୁ ଖଣ୍ଡନ କରିଛି।
ଏହି ସମୟ ମଧ୍ୟରେ ଅଭିଷେକ ବଚ୍ଚନଙ୍କ ଫଟୋ ସାମ୍ନାକୁ ଆସିଛି। ଐଶ୍ୱର୍ଯ୍ୟା କାନ୍ସରେ ଥିବାବେଳେ ଭାରତରେ ଅଭିଷେକ ମା’ ଜୟା ବଚ୍ଚନଙ୍କ ସହ ଡିନର୍ ପାଇଁ ଯାଇଥିଲେ। ତାଙ୍କ ସହ ଅଭିନେତ୍ରୀ ଡାଏନା ପେଣ୍ଟି ମଧ୍ୟ ଉପସ୍ଥିତ ଥିଲେ। ସେ ରେଷ୍ଟୁରାଣ୍ଟରୁ ବାହାରକୁ ଆସୁଥିବା ଦେଖିବାକୁ ମିଳିଥିଲା।
ଐଶ୍ୱର୍ଯ୍ୟା ଏବଂ ଅଭିଷେକ ୨୦ ଏପ୍ରିଲ ୨୦୦୭ରେ ବିବାହ କରିଥିଲେ। ତାଙ୍କର ଏକ ଝିଅ ଅଛି। ଐଶ୍ୱର୍ଯ୍ୟା ତାଙ୍କ ଝିଅ ଅରାଧ୍ୟାଙ୍କୁ ମଧ୍ୟ କାନ୍ସ ସହିତ ନେଇଯାଆନ୍ତି।
