ନୂଆଦିଲ୍ଲୀ,୯।୪: ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ଗିରଫଦାରୀକୁ ଦିଲ୍ଲୀ ହାଇକୋର୍ଟରେ ଚ୍ୟାଲେଞ୍ଜ କରାଯାଇଥିଲା। ଯାହାକୁ ମଙ୍ଗଳବାର ଦିଲ୍ଲୀ ହାଇକୋର୍ଟ ଖାରଜ କରିଛନ୍ତି। କୋର୍ଟ କହିଛନ୍ତି, ଇଡି କେଜରିଓ୍ବାଲଙ୍କ ବିରୋଧରେ ଯଥେଷ୍ଟ ପ୍ରମାଣ ରଖିଛି।
ତେବେ ଦିଲ୍ଲୀ ହାଇକୋର୍ଟର ଏହି ନିଷ୍ପତ୍ତିରେ ଏଏପି ସହମତ ହୋଇନାହିଁ। ମିଳିଥିବା ସୂଚନା ଅନୁଯାୟୀ, ଏଏପି ହାଇକୋର୍ଟଙ୍କ ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିବ। କୁହାଯାଉଛି ଯେ, ଆସନ୍ତାକାଲି ଅର୍ଥାତ ବୁଧବାର କେଜରିୱାଲଙ୍କ ପକ୍ଷରୁ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯିବ।
ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶ ପରେ ଏକ ଖବରଦାତା ସମ୍ମିଳନୀରେ ଏଏପି ନେତା ସୌରଭ ଭରଦ୍ୱାଜ ଏପରି ଘୋଷଣା କରିଛନ୍ତି। ସେ କହିଛନ୍ତି, ତଥାକଥିତ ଅବକାରୀ ଦୁର୍ନୀତି ମାମଲାରେ ଏପର୍ଯ୍ୟନ୍ତ ଯାହା ଘଟିଛି ତାହା ଦେଖିଲେ ବୁଝିହେବ ଯେ, ମାମଲା ଅର୍ଥ ହେରଫେର ନୁହେଁ ବରଂ ଭାରତ ଇତିହାସରେ ଘଟିଥିବା ଏକ ରାଜନୈତିକ ଷଡଯନ୍ତ୍ର।
ଜଷ୍ଟିସ ସ୍ବର୍ଣ୍ଣକାନ୍ତ ଶର୍ମା କହିଛନ୍ତି ଯେ, କେଜରିୱାଲଙ୍କ ଗିରଫଦାରୀ ଆଇନଗତ ବ୍ୟବସ୍ଥାର ଉଲ୍ଲଂଘନ ନୁହେଁ। ରିମାଣ୍ଡରେ ବେଆଇନ ଭାବେ ରଖାଯାଇପାରିବ ନାହିଁ। ଗିରଫ ବ୍ୟତୀତ ବର୍ତ୍ତମାନ ନ୍ୟାୟିକ ହେପାଜତରେ ଥିବା କେଜରିୱାଲ ମଧ୍ୟ ଇଡି ହେପାଜତରେ ଥିବା ରିମାଣ୍ଡରେ ଚ୍ୟାଲେଞ୍ଜ କରିଛନ୍ତି। ଏହି ମାମଲା ୨୦୨୧-୨୨ରେ ଦିଲ୍ଲୀ ସରକାରଙ୍କ ଅବକାରୀ ଦୁର୍ନୀତିରେ ଦୁର୍ନୀତି ଏବଂ ଅର୍ଥ ହେରଫେର ମାମଲାରେ ସମ୍ପୃକ୍ତ, ଯାହା ପରେ ବାତିଲ କରାଯାଇଥିଲା।
