ନୂଆଦିଲ୍ଲୀ,୧୭।୬: ବଲିଉଡ ମୁଭି ‘ଆଦିପୁରୁଷ’କୁ ନେଇ ଆମ ଆଦମୀ ପାର୍ଟି(ଏଏପି) ଅସନ୍ତୁଷ୍ଟ ବ୍ୟକ୍ତ କରିଛି। ଏଏପିର ରାଜ୍ୟ ସଭା ଏମ୍ପି ସଞ୍ଜୟ ସିଂ ଶନିବାର ଏକ ପ୍ରେସ କନଫରେନ୍ସରେ କହିଛନ୍ତି, ଆଜି ମୁଁ ଦୁଃଖର ସହ ଏହି ପିସି କରୁଛି। ଭାଜପା ତା’ର ହୀନ ରାଜନୀତି ଯୋଗୁ ମା’ ସୀତା ଓ ଭଗବାନ ରାମଙ୍କର ଅପମାନ କରୁଛି। ମା’ ସୀତା, ଶ୍ରୀରାମ ଓ ହନୁମାନଙ୍କ ନାଁ ନେଲେ ସମସ୍ତ ହିନ୍ଦୁଙ୍କ ମସ୍ତକ ସମ୍ମାନରେ ନଇଁ ଯାଇଥାଏ।ଆମର ଏମିତି ଭଗବାନଙ୍କୁ ନେଇ ସେମାନେ ନିମ୍ନ ମାନର ଫିଲ୍ମ ନିର୍ମାଣ କରିଛନ୍ତି।
ସେ କହିଛନ୍ତି, ଫିଲ୍ମର ସଂଳାପଗୁଡ଼ିକ ଖରାପ। ଏଭଳି ଖରାପ ସଂଳାପ ହିନ୍ଦୁ ଧର୍ମର ଭାବନାକୁ ଆଘାତ ଦେଇଛି। ଗୋଟିଏ ଦୃଶ୍ୟ କଳ୍ପନା ଉପରେ ଆଧାରିତ ଯେ ମାତା ସୀତାଙ୍କୁ ଛୁରାମାଡ଼ କରାଯାଇଛି। କାଳ୍ପନିକ ଉପରେ ଯାହା ଆଧାରିତ ତାହା ଦର୍ଶାଯାଇପାରିବ। କଳ୍ପନା ଆଧାରରେ ତୁମେ ରାମଚରିତମାନସର ଆଧାର ପରିବର୍ତ୍ତନ କରିବ।
ଭାଜପା ନେତାଙ୍କ ଉପରେ ଖୋଳତାଡ଼ କରି ଏଏପି ଏମପି ଆହୁରି ମଧ୍ୟ କହିଛନ୍ତି, ପୁଷ୍କର ସିଂ ଧାମି, ନରୋତ୍ତମ ମିଶ୍ର, ଯୋଗୀ ଆଦିତ୍ୟନାଥ, ଶିବରାଜ ସିଂ ଚୌହାନ, ଏକନାଥ ସିନ୍ଦେ, ମନୋହର ଲାଲ ଖଟ୍ଟରଙ୍କ ଆଶୀର୍ବାଦରେ ଏହି ମୁଭି ନିର୍ମାଣ କରାଯାଇଛି। ଏହି ଲୋକମାନେ ନା ରାମଙ୍କର ନା ସାଧାରଣ ଜନତାଙ୍କର। ଏମାନେ କୌଣସି କାମକୁ ନୁହେଁ। ଏହି ମୁଭିରେ ସଡ଼କଛାପ ଭାଷାର ବ୍ୟବହାର ହୋଇଛି। ଏହି ପାର୍ଟି ମଧ୍ୟ ଧର୍ମରେ ଲଫଙ୍ଗାମି ପ୍ରଦର୍ଶନ କରୁଛି। ଏହି ମୁଭି ନିର୍ମାଣ କରି ଭାଜପା ପ୍ରଭୁ ରାମ, ମାତା ସୀତା ଏବଂ ପ୍ରଭୁ ହନୁମାନଙ୍କୁ ଅପମାନିତ କରିଛି।
