୧୨ରୁ ଏଏସିସିଆଇର ଗ୍ରୀନ୍‌ କନ୍‌କ୍ଲେଭ
7:44 amFebruary 10, 2024February 10, 2024 / 02

ଭୁବନେଶ୍ୱର,୧୦।୨: ଅନ୍ତର୍ଜାତୀୟ ଶିଳ୍ପ ସଙ୍ଗଠନ ଏସିଆନ୍‌-ଆଫ୍ରିକାନ୍‌ ଚାମ୍ବର ଅଫ୍‌ କମର୍ସ ଆଣ୍ଡ୍‌ ଇଣ୍ଡଷ୍ଟ୍ରି (ଏଏସିସିଆଇ)ର ଓଡ଼ିଶା ଶାଖା (ଚାପ୍ଟର) ପକ୍ଷରୁ ଏକ ୩ଦିନିଆ ବିଜ୍‌ନେସ ସମ୍ମିଟ ଆଣ୍ଡ ଏକ୍ସପୋ ‘ଗ୍ରୀନ୍‌ କନ୍‌େକ୍ଲେଭ’ ଭୁବନେଶ୍ୱରର ଏକ ୫ତାରକା ହୋଟେଲ ପରିସରରେ ଆୟୋଜନ ହେବାକୁ ଯାଉଛି। ଏହି ପରିପ୍ରେକ୍ଷୀରେ ଏକ ଖବରଦାତା ସମ୍ମିଳନୀ ଶୁକ୍ରବାର ପ୍ରେସ୍‌କ୍ଲବ୍‌ଠାରେ ଅନୁଷ୍ଠିତ ହୋଇଯାଇଛି। ଉକ୍ତ ସମ୍ମିଳନୀରେ ଏଏସିସିଆଇ ଓଡ଼ିଶା ଶାଖାର ସଭାପତି ଡ.ଲିତା ମହାପାତ୍ର,ଉପସଭାପତି ରାଜେନ୍ଦ୍ର ପରିଡା,ଜଏଣ୍ଟ ସେକ୍ରେଟାରି ସୁସ୍ମିତା ମହାନ୍ତି, ହେଲ୍‌ଥ କମିଟି ଅଧ୍ୟକ୍ଷ ଡ. ଗୌରବ ରାଲହାନ, ହେଲ୍‌ଥ କେୟାର ସର୍ଜିକାଲ କମିଟି ଅଧ୍ୟକ୍ଷ ଡ.ଗରିମା ସରୱଗି, ଲାଇଫ୍‌ ଷ୍ଟାଇଲ ଆଣ୍ଡ୍‌ ଫାଶନ୍‌ କମିଟିର ଅଧ୍ୟକ୍ଷ ସ୍ମିତି ଶ୍ୱେତା ଦାସ ପ୍ରମୁଖ ଉପସ୍ଥିତ ଥିଲେ। ଉଲ୍ଲେଖଯୋଗ୍ୟ, ୨୦୨୪ ଫେବୃଆରୀ ୧୨ରୁ ୧୪ ପର୍ଯ୍ୟନ୍ତ ଏହି ବ୍ୟବସାୟିକ ସମ୍ମିଳନୀ ଓ ଗ୍ରୀନ୍‌ ଏକ୍ସପୋ ମେ ଫେୟାର ଲାଗୁନ୍‌ ବାଟିକାଠାରେ ଆୟୋଜିତ ହେବାକୁ ଯାଉଛି। ଅପରପକ୍ଷରେ ଉକ୍ତ ସମ୍ମିଳନୀକୁ ଓଡ଼ିଶା ସରକାର, ଏମ୍‌ଏସ୍‌ଏମ୍‌ଇ, ଇଣ୍ଡଷ୍ଟ୍ରି, ଷ୍ଟାଟ୍‌ଅପ୍‌ ଓଡ଼ିଶା ଏବଂ ଅନ୍ୟାନ୍ୟ ସଂଗଠନଗୁଡିକ ସମର୍ଥନ କରିଛନ୍ତି। ସେହିଭଳି ଏଏସିସିଆଇ ସହଭାଗିତାରେ ୩୦ରୁ ଉର୍ଦ୍ଧ୍ୱ ଡିପ୍ଲୋମାଟ୍ସ ଓ ଅନ୍ତର୍ଜାତୀୟ ପ୍ରତିନିଧିମାନେ ମଧ୍ୟ ଓଡ଼ିଶା ପାଇଁ ବ୍ୟବସାୟର ସୁଯୋଗ ସୃଷ୍ଟି କରୁଛନ୍ତି ଏବଂ ନିବେଶକଙ୍କ ମାଧ୍ୟମରେ ଭାରତର ଅନ୍ୟ ଉଦ୍ୟୋଗୀମାନେ ୧୦୦ରୁ ଊର୍ଦ୍ଧ୍ୱ ବ୍ୟବସାୟର ସୁଯୋଗ ସୃଷ୍ଟି କରିବା ସହ ୪୫୦ ଉଦ୍ୟୋଗୀ ଏବଂ ୩୦ରୁ ଊର୍ଦ୍ଧ୍ୱ ପ୍ଲେନାରି ଅଧିବେଶନ ସୃଷ୍ଟି କରିବାର ସୁଯୋଗ ରହିଛି।