ପିଲାମାନଙ୍କୁ ରାସ୍ତାରେ, ଘରର ବଗିଚାରେ, ଛାତରେ, ପଡ଼ିଆରେ ଏବଂ କ୍ଷେତରେ ମ୍ୟାଚ ଖେଳୁଥିବା ଦେଖିଥିବେ। କିନ୍ତୁ କେବେ ପିଲାମାନଙ୍କୁ ଏପରି ଏକ ସ୍ଥାନରେ କ୍ରିକେଟ ଖେଳୁଥିବା ଦେଖିଥିବେ ଯାହାକୁ ଆପଣ କଳ୍ପନା ମଧ୍ୟ କରିପାରିବେ ନାହିଁ? ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବା ପରେ ୟୁଜର୍ସମାନେ ଏହାକୁ ଓ୍ବାଟର କ୍ରିକେଟ ନାମ ଦେଇଛନ୍ତି।
ଏହି ଭିଡିଓରେ ଦେଖିପାରିବେ ଯେ, କେନାଲରେ ପାଣି ପ୍ରବାହିତ ହେଉଛି। ଜଣେ ଯୁବକ କେନାଲର ଗୋଟିଏ ପାର୍ଶ୍ୱରେ ବ୍ୟାଟ୍ ଧରି ବ୍ୟାଟିଂ କରୁଥିବା ଦେଖାଯାଉଛି। ଅନ୍ୟ ପାର୍ଶ୍ୱରୁ ଜଣେ ଯୁବକ ବୋଲିଂ କରୁଛନ୍ତି। ଯୁବକମାନେ କେନାଲ ଜଳକୁ ଏକ ପିଚରେ ପରିଣତ କରିଛନ୍ତି। ଏହା ଦେଖି ଯେକେହି ଆଶ୍ଚର୍ଯ୍ୟ ହେବେ।
ଏହି ଭାଇରାଲ ଭିଡିଓକୁ ଇନଷ୍ଟାଗ୍ରାମରେ pitu.roy ନାମକ ଜଣେ ୟୁଜର ପୋଷ୍ଟ କରିଛନ୍ତି। ଏହା କ୍ୟାପସନରେ ଲେଖାଯାଇଛି – ଅଭ୍ୟାସ। ଏହି ରିଲକୁ ଏପର୍ଯ୍ୟନ୍ତ ୮ ଲକ୍ଷରୁ ଅଧିକ ଥର ପସନ୍ଦ କରାଯାଇଛି।
View this post on Instagram
